Балтачта әле моңа кадәр мондый хәлнең булганы юк иде(+фото)
"Хыял" яшьләр үзәге хезмәткәрләре "Балтач" ял паркында урам шашкасы үткәрде.
Спортның нинди төре белән генә шөгыльләнсәң дә, мөмкинлекләр күп хәзер. Шушы көннәрдә "Хыял" яшьләр үзәге хезмәткәрләре шашка уйнарга яратучыларны "Балтач" ял паркына җыйды. Балтачта әле моңа кадәр мондый хәлнең булганы, төгәлрәге шашканы урамда уйнаганнары юк иде. Тәүге уен бик күңелле узды.
- Беренчесе, әмма соңгысы түгел, - диде уенны оештыручылар. - Райондашларыбызны кичке уеннарга көтеп калабыз.
Кечкенәдән шашка, шахмат белән "җенләнгән" Иркә Шакирова исә уеннарда матур нәтиҗәләргә иреште һәм "Хыял" үзәгенең истәлек бүләгенә лаек булды.
- Үзеңнән зур платформада уйнау, шашкалар белән янәшә басып тору бөтенләй башка хисләр бирә. Әмма болай уйнау күпкә кызыклы һәм мавыктыргыч, - диде Иркә.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев