Батырлар онытылмый

«Батырлар илендә» китабында соңгы елларда вакытлы матбугат битләрендә дөнья күргән мәкаләләр тупланган. Нигездә, «Безнең спорт» газетасы тарафыннан бирелгән язмалар урын алган. Китапның төзүчесе Радик Сабиров, мөхәррире Равил Хәйруллин һәм ТРның Премьер-министры урынбасары, Авыл хуҗалыгы һәм азык-төлек министры, татар-башкорт милли спорт көрәше федерациясе президиумы рәисе Марат Әхмәтов инициативасы белән татар көрәшен үстерүгә, яшьләр арасында сәламәт яшәү рәвешен пропагандалауга һәм спортка мәхәббәт тәрбияләүдә республика күләмендә олы хезмәт башкарыла. Шушы рәвешле республика күләмендә танылу алган, традицион рәвештә һәр елда билгеләп үтелә торган бәйге батырларының исемнәре берсе дә онытылмый, милләтебезнең рухын саклаучы асыл ир-егетләребез, тарихка кереп кала дигән сүз. Китапта Балтачыбыз көрәшчеләренең дә исемнәре еш очрый. Мәсәлән, Арбордан А.Хәйретдинов, С.Әсхадуллин, даннары еракларга танылган бертуган Әхмәдиевлар, чын «Батыр» исеме алып арабыздан киткән Бөрбашның Ф.Шакировы, Нормабаштан яшь көрәшче И.Зарипов һәм башка ир-егетләребез хакында райондашыбыз Нурзадә Сәмигуллин, «Безнең спорт» хәбәрчеләре Юлия Билалова белән Гүзәл Шәвәлиеваның язмалары урын алган.
«Батырлар илендә» китабы келәмдә профессионал көрәшчеләргә генә урын, батырларга гына дан һәм татар көрәшенең киләчәге барлыгын дәлилләүче басма булуы белән әһәмиятле.