Бүген Балтачта Бөтенрәсәй спорт фестивале икәнлеген онытмадыгызмы?!..

Бүген районыбызда “Әтиемне, әниемне һәм хоккейны яратам” дигән Бөтенрәсәй спорт фестивале  уза. Әлеге  чара “Балтач” спорткомплексы янындагы шугалакта оештырыла. Фестиваль кунакларын Дәү курчак каршы алачак, аниматорлар белән берлектә мавыктыргыч конкурслар үтәчәк.Турнирда мәртәбәле кунаклар да катнашуы көтелә. Фестиваль 11.00дә башлана, 10.00дә теркәлү вакыты.

Хөрмәтле райондашлар!  Яңа, үзгә, күңелле мизгелләргә бай  бәйрәмне калдыра күрмәгез, яраткан  гаиләгез белән хоккей  уеннары да карарсыз. Бәйрәм концерты, бүләкләүләр, флэшмоблар да булачак.