«Факел» клубында яшь боксчылар ярышты 

Бокс түгәрәген тренер Васил Зәкиев җитәкли. Элеккеге хәрби кеше булганлыктан Васил әфәнде үз укучыларын кечкенәдән нык, көчле итеп тәрбияли. Хәер, бу спорт төре белән шөгыльләнгәндә башкача була да алмый торгандыр. Балаларның төрле ярышларда катнашуы ихтыяр һәм физик көчне арттыруга ныклы җирлек булып тора. 

Шушы көннәрдә “Факел” клубында бокс ярышлары булып узды. Клуб директоры Азат Зәкиев җиңүчеләрне һәм аларны әзерләгән тренер Васил Зәкиевны җиңүләре белән котлап, бүләкләр тапшырды. 

– Улыбыз Рәхим түгәрәккә быел гына йөри башлады, әлеге ярыш  тәүгесе генә. Әмма беренче ярышта ук өченче призлы урын яулавы тренерыбыз Васил абыйның тырыш хезмәте хакында сөйли. Без аңа барлык әти-әниләр исеменнән олы рәхмәтебезне белдерәбез. Үз эшенә чын күңелдән бирелүе, балаларга таләпчән, шул ук вакытта аталарча кайгыртуы зур җиңүләргә рухландыра. Балаларыбыз күзгә күренеп ныгый, шунысы шатландыра, – ди Илһамия Газизуллина.

Әйдәгез, җиңүчеләр белән дә танышып узыйк менә алар:
25 кг. үлчәү авырлыгында: 
1 урын – Сөләйманов Солтан 
2 урын – Веранян Арсен 
3 урын – Газизуллин Рәхим 
4 урын - Гайнетдинов Ирек.

35-40 кг. үлчәү авырлыгында: 
1 урын – Нигъмәтуллин Әмир 
2 урын - Гарәпшин Камил 
3 урын - Хәсәнов Альберт 
4 урын - Кәбиров Кәрим. 

45 кг. үлчәү авырлыгында: 
1 урын- Хәлимов Раил 
2 урын – Гарәпшин Илфар 
3 урын – Нәбиев Ислам 
4 урын – Шакиров Илсаф.