Районның дәрәҗәле бәйгесе узды, Рәлиф Әскаров призлар өләште

Узган шимбәдә “Сабантуй” ял паркында Рәлиф Әскаров призына чаңгы ярышлары булып узды. Әлеге мәртәбәле чарада 100дән артык бала катнашса да, олуг мактауга лаек тренерыбыз узган елгыдан катнашучыларның кимрәк булуын җиткерде: “Авылларда "Россия чаңгы юллары - 2018" чаралары да үткәрелде бит, ул да килә алмауга сәбәп булгандыр инде. Алай да гимназия, Балтач мәктәбе, Кече Лызи, Чепья, Сосна укучылары бик актив катнашты. Җанатарлар да күп иде. Көне дә чаңгы өчен бик шәп һәм матур иде”. Ел да үткәрелүче әлеге чарага укучылар чыннан да яратып йөри, данлыклы тренерыбыз призын оту кем өчен генә дәрәҗәле вакыйга түгел икән?