Сезон ачылды

Ильнур, 24 сентябрь 2012 - 05:41

2546

Шушы көннәрдә «Балтач» универсаль спорт залында яшь баскетболчыларыбыз сезоннарын ачып җибәрде.

Районыбызның спорт мәктәбе базасында һәм мәктәпләрендә бу уеннарны үз иткәннәр көне буе уйнап, араларында иң көчлеләрне ачыклады. Шулай итеп, 1998-1999 елларда туган малайлар арасында Балтач гимназиясе уенчыларына тиңнәр табылмады. Калган призлы урыннарны Сосна һәм Кече Лызи мәктәбе спортчылары бүлеште. Ә менә кызлар арасында иң көчле булып Кече Лызи командасы танылды. Икенче һәм өченче урыннарга Сосна, Яңгул кызлары лаек булды. Елдагы традицияне дәвам итеп, иң яхшы уенчылар билгеләнде. Алар гимназиядән Рөстәм Гатиятуллин, Кече Лызидан Ксения Заблоцкая.

Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен