Казанда ЮХИДИ хезмәткәрләре автобус шоферларын тикшерү өчен рейдка чыгачак
Муниципаль, муниципальара, төбәкара маршрутларда пассажирларны даими яки заказга йөртүче автобусларны тулысынча тикшерәләр.
Казанда Дәүләт автомобиль инспекциясе автобус йөртүчеләрен тикшерү өчен рейдка чыга. Бу хакта “Татар-информ”га шәһәр автоинспекциясендә хәбәр иттеләр.
“Чираттагы чара сишәмбе, 20 ноябрьдә, 16:00 – 19:00 сәгатьләрдә булачак. Муниципаль, муниципальара, төбәкара маршрутларда пассажирларны даими яки заказга йөртүче автобуслар тулысынча тикшереләчәк”, - диделәр Шәһәр Дәүләт автомобиль инспекциясендә.
Инспекторлар йөртүчеләрнең эш һәм ял режимын саклауларына аеруча зур игътибар бирәчәк. Пассажирлар йөртү кагыйдәләрен үтәүне, шоферның документлары булуны тикшерәчәкләр. Шулай ук автобусларның техник төзеклелеген дә карыйлар.
Берничә мәртәбә җаваплылыкка тартылган, пассажирлар йөртү кагыйдәләрен үтәмәгән һәм документларсыз автобус белән идарә иткән шоферларга да инспекторлар аеруча игътибар итәчәк.
Бу хакта тулырак: https://tatar-inform.tatar/news/2018/11/19/175519/
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев