«НОРМАБАШЛЫЛАР ӘЛЕ ДӘ ГӨЛМӘНВӘР ӘБИ КЕБЕК ЭШЛӘГӘН КЕШЕ ЮК, ДИЛӘР» ??

«Үзем кереп ятасы урынга, баламны җирләдем», – ди күптән түгел генә икенче улын да бакыйлыкка озаткан Гөлмәнвәр әби. Бүгенге көндә кызы Рушания белән матур, мул, тыныч тормышта яшәгән мөлаем әбинең язмышы күбесенчә хәсрәтле шул. 16 яшендә үк зурлар белән беррәттән, бертигез эшләтәләр аны, белем алырга вакыты да, мөмкинлеге дә булмый, заманалар шулай таләп итә. Шул чакта, әтисе аны эшкә озатканда: «Әтием, бу безнең синең белән соңгы очрашуыбыз булыр инде…» – ди, күз яшьләреннән буыла-буыла 16 яшьлек Гөлмәнвәр әби, ә ул вакытта – бала… Шулай килеп чыга да, әтисен бүтән беркайчан да кочакларга насыйп булмый Гөлмәнвәр әбигә ? «Эш бетмичә ашарга рөхсәт юк иде», – ди кызы Рушания да, әнисенең хезмәткә, ипигә булган хөрмәтен искә төшереп ??

Гөлмәнвәр әби быел беренче тапкыр, сәламәтлеге аркасында, суган ала алмый, башка бакча эшләренә дә рәте юк аның, шуны аңлаганлыктан бик озак утырып елый ул… ? Быел беренче тапкыр эшли алмаган… 94 яшендә… «Эшли алсам, мөмкинлегем генә булса, хәзер дә рәхәтләнеп, дер китереп эшләр идем», – ди Гөлмәнвәр әби, күз яшьләре аша елмаеп ??

Сәламәт кенә бул, яме, Гөлмәнвәр әби! Сине кызың, оныкларың, оныкчыкларың, оныкчыкларыңның балалары бик ярата, хөрмәт итә. Без дә котлыйбыз сине. Син барыбызга да үрнәк. Тормышка мәхәббәтең, хезмәтне сөюең белән. Тулырак «Хезмәт» газетасының алдагы саннарында укып, Гөлмәнвәр әбигә сез дә сәламәтлек теләрсез әле, дуслар ??❤️

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Балтаси – Хезмәт (@xezmet_gazetasi)