Балтачның көрәш (зурлар) командасы

Тасвирлама:
Балтачның көрәш (зурлар) командасы Татарстан Республикасы һәм Рәсәй күләмендә узучы ярышларда зур җиңүләргә ирешә. Тренерлары – Хәйретдинов Ринат Фоат улы.

Балтачыбызны бөтен республикада таныткан, матур көрәшләре, үзләренә генә хас алымнары, күпсанлы, мәртәбәле җиңүләре белән район көрәш тарихына кереп калган Яңгулдан абыйлы-энеле Габделфәрт һәм Илдар Рәфыйковлар, Дамир Сафиуллин, Бөрбаштан Рифкать Хөсәенов, Салавычтан Рафис Насыйбуллин, Соснадан Рәдис Галләмов, Нормадан Сәйдәш Мәгъсүмов, Айдар Хәйретдинов, Ранил Габдрахманов исемнәре көрәшне үз иткәннәр өчен яхшы таныш. Бүген исә алар сафын Руслан Рәфыйков, Илдан һәм Ирек Әхмәтхановлар, Ислам Йосыпов, Айзат Гәрәев, Аяз Хәйретдинов тулыландыра. Балтачның көрәшчеләре Татарстан Республикасы һәм Рәсәй күләмендә узучы ярышларда зур җиңүләргә ирешә.