Лимон кислотасы белән кыяр тозлыйбыз

Баш-башлары киселгән кыярларны стерильләштерелгән банкаларга тутырабыз. Банкага кыяр белән бергә берничә кисәк әче борыч, 3-4 түгәрәк кара борыч, берничә кисәк татлы борыч, укроп зонты, чия, карлыган яфраклары, берничә телем кишер, 2-3 тырнак сарымсак салабыз. 

Банкаларга кайнар су салып, капкач белән ябабыз һәм 15-20 минут көтәбез. Суны бушатып, кайнатабыз һәм кабат банкаларга тутырабыз. 15-20 минут көтәбез. Кабат кәстрүлгә бушатып, рассол ясыйбыз. Аның өчен (3 литрлы банкага) 1,5 литр суга 4 чәй кашыгы тоз, 8 чәй кашыгы шикәр комы алына. 

Рассол 5 минут кайнаганнан соң банкаларга бушатыла һәм 1 чәй кашыгы лимон кислотасы салына (3 литрга 1 чәй кашыгы исәбеннән салырга). Банканы капкач белән каплап, өстенә җылы әйбер ябып куярга. 

#ШКрецепт #рецепт