Мунчо кулэ

Ильнур, 16 декабрь 2014 - 06:31

1295

«Огъя мунчоос кулэ-а?» (26 ноябрь, №88 «Азьлане») шуэм статья потэм бере,

Балтасьысь Советской урамын улӥсьёс Масрура Шакирова но Асия Байрамова (кыкназы ик пенсиын, 2-тӥ группаысь инвалидъёс), Ленин урамысь 37А юртын улӥсьёс Елена Хабибуллина но Фарида Салихова (Быдӟым ожысь но тылысь ветеран), редакцие жингыртыса, асьсэлэсь куронзэс веразы:

- Мунчо кулэ, со медаз пытсаськы вал. Милемлы, пересьёслы, одӥг тунсыкъяськон но со, отчы мыныса, адӟиськыса бертӥськомы. Улонмылэн одӥг люкетэз со мунчо, - шуизы.

Нурма гурт поселение пырись Карелино мунчо сярысь малпанъёссэ гурт поселенилэн главаез Фаниль Калимуллин вераз:

- Баракын улӥсь Роза Яруллинаен Файруза Салихова мунчоез ужатыны курыса вазиськизы. Калык но: «Кызьы ке но эн пытсалэ вал», - шуыса куре.

Озьы ик Балтасьысь мунчолэн зданиезлэн площадез бадӟым луэмен, расходъёслэсь уно кутӥськемзэ лыдэ басьтыса, «Оло, пичигес площаден мукет здание лэсьтозы, мунчо кулэ ук!» - шуэм ӵектон но луиз.

Аслэсьтыз нимзэ вераны мылкыд карымтэ мӧйы арлыдэ вуэм одӥг кышномурт но:

- Балтасьмы ялан азьмынӥсен лыдъяське, будэ, юнма. Узыръёслэн кык-куинь этажо коркаоссы ӝутӥсько. Нош ми кадьёслы одӥг гинэ мунчоез ужатыны но луонлыкез ӧвӧл шат районлэн?! - шуыса, ӝожтӥськыса вераз.

Фото: http://den-axa.livejournal.com/80608.html