Җәлил хәзрәт Фазлыев Татарстан Республикасы Рәисе премиясе лауреаты булды. Котлыйбыз!

Татарстан Республикасы Диния Нәзарәтенең баш казые, хөрмәтле дин әһеле, җәмәгать эшлеклесе һәм Татарстан Республикасының атказанган икътисадчысы Җәлил хәзрәт Фазлыев республика дәрәҗәсендәге югары бүләккә лаек булды.

Казан Кремлендә узган тантанада Татарстан Республикасы Рәисе Рөстәм Миңнеханов аңа Татарстан Республикасында гражданлык җәмгыяте институтларын үстерүгә керткән зур өлеше өчен премияне тапшырды.

Җәлил хәзрәт Фазлыевны чын күңелдән котлыйбыз! Аңа ныклы сәламәтлек, озын гомер, гаилә бәхете һәм киләчәктә дә игелекле эшләрендә зур уңышлар телибез!