Юл йөрү кагыйдәләрен бозган өчен салынган штрафларны законда каралган 70 көн эчендә түләмәгән очракта, административ хокук бозулар турында Россия Федерациясе кодексының 20.25 маддәсе нигезендә
штраф суммасының икеләтә күләмендә, әмма 1 мең сумнан да ким булмаган штраф салына, яисә 15 тәүлеккә кадәр административ кулга алына, яки 50 сәгатькә кадәр мәҗбүри эш каралган.
Шулай булса да, штрафларын түләүне сузып йөрүчеләр шактый. Быел 6 айда шундый 87 шоферга беркетмә төзеп судка җибәрелде.
Аларның 80енә штрафларын ике тапкырга арттырып түләү каралды, 2сенә арест бирелде, 5 кешегә мәҗбүри эш билгеләнде. Мондый күңелсезлекләргә дучар булмас өчен ГАИдан 2-54-43 телефоны аша штрафларыгызны белешеп торыгыз.
Штрафларны банкларда һәм ГАИдагы терминалга килеп түләргә була.
Фото: http://vestiprim.ru/2015/05/08/
Нет комментариев