Татарстанда 2027 елга яшәү минимумы 17 193 сум тәшкил итәчәк

Татарстанда 2027 елга яшәү минимумы күләмен билгеләделәр. Республика Хөкүмәтенең тиешле документы хәзер коррупциягә каршы экспертиза уза.

Җан башына яшәү минимумы 17 193 сум тәшкил итәчәк. Эшкә яраклы кешеләр өчен бу күрсәткеч 18 740 сум, пенсионерлар өчен — 14 786 сум, балалар өчен 16 677 сум дәрәҗәсендә билгеләнәчәк.

2026 елның 1 гыйнварыннан Татарстанда яшәү минимумы җан башына 16 мең сум тәшкил итә.

Аерым социаль пособиеләрнең һәм түләүләрнең күләме яшәү минимумының зурлыгына бәйле.

Вести Татарстан