Хезмәт

Балтач районы

18+
2024 - Гаилә елы
Азьлане

«Азьлане» сьӧры: Ципьяысен Балтасе, Балтасьысен — Арчае...

1937-тӥ арын Ципья черкогуртын крестьян семьяын ныл вордске. Солы асьме палан шер кутӥськись, чебер ним сёто — Алима.

Туннэ со ачиз но серекъяса вера, малы таӵе аспӧртэмлыко ним понэмзэс уг тоды шуыса — крашине пыртыкузы сыӵе ним сётӥллям, лэся. Ныл фамилиез но солэн туж чебер луэм — Барышникова. «Сыӵе фамилиен адямиос асьме палан табере ӧвӧл но ни», — вера Алима апай. Нош али со — Алима Копарова. Но гуртоосыз сое, мусо карыса, «Аляпай» гинэ шуо.

... Алималэн егит дырыз вордскем палъёсаз ик ортче — татын со будэ, школазэ йылпумъя, 1956-тӥ арын гинэ одӥг арлы Казане ужаны кошке но, нош ик Ципьяе бертэ. Уж утчаса, типографие мынэ. (Соку «Азьлане» газет Ципьяын потэм — Н.Ж.) Алималы шуд усе — сое типографие удмурт газетлэн наборщицаезлы тодмосто.

— Соку, мон ужаны кутскыку, бигер газетлэн валтӥсь редакторез Вагиз Валеев вал, удмурт газетлэн нош — Агафья Самсонова, — тодаз вае Алима Ильинична. — Ваньзэсты, кинэн валче ужамы, тодам вайыны уг быгатӥ ни. Но куспамы тупаса ужамы котьку но. Тодам вайисько, кызьы мон Елизавета Давлековаен (кулэмын ни, наборщица луыса ужам — Н.Ж.), Зинаида Гришкинаен (кулэмын ни) валче ужай. Монэ соос ужаны дышетӥзы, тужгес но Зинаида. Ми дыръя секыт но, шулдыр но вал ужаны.

Секыт луэмез тодмо но — текстэз бичаку одӥг гинэ янгыш лэсьтӥд ке, кӧня ке чурзэ выльысь люкано вал. Валтӥсь редакторзы но, Агафья Самсонова, вылӥ куронъёс пуктӥсь, ужзэ кулэезъя быдэсъясь нылкышно луэм, шӧдске. Алима Ильиничналэн верамезъя, одӥг янгыш шедьтӥз ке, уйин но вырӟытэ, пе, вал ужасьёсты. (Бен, соку, нунал куспатыса, тросэз ужасьёс типографиын но редакциын ик кӧлӥллям: трос дыръя материалъёс нуназе дась луымтэзы, нош газетэз котьку дыраз поттоно). «Но мынам янгышъёсы трос уг луо вал, сак ужаны тырши», — пальпотыса ватса Алимапай.

1958-тӥ арын типографиез но редакциез Балтасе выжто. Соку коллектив пазяське — кин ке газет сьӧры Балтасе улыны но ужаны кошке, нош кин ке — кыле. Алимапай нырысетӥосыз пӧлын луэ. Балтасьын но «Азьлане» газет кӧня ке ар ӵоже гинэ потэ — 1962-тӥ арын, районъёс огазеяськемен, сое Арчае выжто. Куинь арскын, 1965-тӥ арын, газет Балтасе ик бертыске. Газет сьӧры — Алима Ильинична но. Ӵапак Балтасьын но Арчаын ужакуз со тужгес эшъяське Вукогуртысь Зоя Перемечеваен (бигер газетын ужам). Нылкышноос валче квартирае пырыса но улӥллям.

— Озьы ик улӥмы, туннэ квартираын, ӵуказе типографиын, ӵуказе бере дорамы бертылӥмы. Пинал дыръя ветлэм потэ вал пыдын но, кыдёкын сюреслэсь ӧм кышкалэ. Куддыръя машина шеде вал, куддыръя — трактор. Шулдыр дыръёс... Ярам али ми гуртэ дорамы бертэммы потэмысь пыдын ветлӥмы, нош тани Евгения Плотникова («Азьлане» газетын корректор луыса ужам — Н.Ж.) районысь пӧртэм гуртъёсы уж бордысен пыдын ветлоно луылӥз, — шуэ Алима Ильинична.

Корректоръслэн но журналистъёслэн гинэ улонзы секыт луэм шуыса малпано ӧвӧл — переводчикъёслы но наборщицаослы ужаны капчи луымтэ. Ӵемысь материалзы тырмымтэ, соин гожъяськистёсты колхозъёсы лэзиллям. Наборщицаослэн нуназе ужзы луымтэ, нош уйин ужаллям ке ужаллям... Алима Ильинична газет сьӧры декабристъёслэн кышнооссы сямен ветлэм: Ципьяысен Балтасе, Балтасьысен — Арчае, Арчаысен — нош ик Балтасе. Али ужасал но ужасал — но 1965-тӥ арын Ципья гуртысь пилы, Валерий Копаровлы, картлы кошке но, гуртаз улыны бертэ. Мар карод, семьяен улӥсь адями типографиын нунал куспатыса кӧланы уз быгаты, шол...

Ципьяын Алимапай интыяське мех фабрикае ужаны. Отын со пенсие потытозяз тырше, пӧртэм ужъёсты быдэсъя, уногес мех бордын ужа. Кузпалыз, Валерий Александрович, улонэз ӵоже колхозын ужам. Туннэ нуналэ Алима Ильинична но Валерий Александрович покчи пиенызы, Эдуардэн, кенэнызы Светланаен но внучкаосынызы Иринаен но Маринаен ӵош уло. Бадӟым пизы Василий но Ципья гуртэ ик интыяськем. Кышноеныз Зинаидаен, нылпиосыныз Ольгаен но Александрен уло.

Тунсыко факт: куке но Ципьяын сылӥсь редакция интыяськемын луэм вожвылын, Балтасе машина кутыса сылӥсь адямиослэн интыязы, ӵапак али дыре Балтасьын но редакция дугдонни дорын интыяськемын.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: азьлане газет