Хезмәт

Балтач районы

18+
2024 - Гаилә елы
Азьлане

Балтась пиоссэ армие келяз (+фоторепортаж)

Тулыс, сӥзьыл вуиз ке, егит пиосмы  армие мыныны дасяськыны кутско. Вордскем Музъемдэ утён – котькуд пиосмуртлэн дано ужпумез. Кемалась дыръёсысь вуэм радлык со. Армилэн данэз берло дыре усьыны кутскем вал, но туннэ нуналэ пиослэн армилэн радъёсаз служить карон мылкыдзы выльысь ӝутскыны ӧдъяз.

Туэ сӥзьыл призыве ваньзэ 29 пиос армие кошкозы. Соос пӧлысь 18-сэ 10 шуркынмонэ ӵукна Киров улосысь Мирный посёлокысь военной часте келязы.

Таиз келян мукетъёсызлэсь висъяське, малы ке шуоно та дырозь 18 пиослэн одӥг интые военной часте кошкемзы ӧй вал али. Служить кароно интызы кыдёкын ӧвӧл, 350 иськемын гинэ. Тулыс призыв дыръя отчы 10 пиос келямын вал, та нуналъёсы 8-эз бертыны кулэ. Киров улос асьмелы тодмо, оскымон луэ. Со военной частьын ми ӵем луиськомы, Балтась пиослэн службаенызы ялан тунсыкъяськыса улӥськом, - веранзэ кутскиз военной комиссар Васил Валиев районысь военной комиссариатын кӧня ке нунал талэсь азьло ортчем Военной призыве ӧтемъёслэн нуналазы.

Арысь аре районысь культура юртын ортчись ужрад ини кык ар радысь пичигес масштабен районысь военной частьын гинэ ортче. Отчы армие кошкись пиос но соослэн анай-атайёссы ӧтемын вал. Ужрадын районысь исполнительной комитетлэн кивалтӥсезлэн воштӥсез Ильгам Гайнетдинов, военной комиссар Васил Валиев пиосмы Шаермы азьын долгзэс сӥ-данэн быдэстыны, балтасьёслэн данъяськонзы луыны мылкыд каризы.

Марат хазратэн отец Георгий но, асьсэлэсь визь-кенешъёссэс сётыса, бакель карыса, армие кошкись пиослы кужмо, сабыр луыны ӵектӥзы. Пизэ армие келясь Алсу Сафина вань кадь анайёслэн нимынызы вуоно солдатъёслы ӟеч сюрес сӥзиз:

- Ми та нуналэ бадӟым данъяськон мылкыдэн улӥськомы, малы ке шуоно Атаймузъемез утён понна сӧл-таза пиос будэтыны быгатӥмы. Со дыре ик ӝож мылкыд сярысь но вераса быдтымон ӧвӧл. Пиналлы котькӧня арес луиз ке но, анай-атай понна со котьку пичи луэ угось. Пинал шумпотэ ке но, ӝожоме ке но, анай сое аслаз сюлмыз пыр поттэ. Ӟеч сюрес тӥледлы, пиос! Тӥлесьтыд сӧл-таза луыса бертэмдэс чидатэк витёмы!

Служить карисьёслы но соосты витисьёслы сӧл-тазаен пумиськыны мед кылдоз. Армиысь бертэм солдатэн адӟиськон шумпотон гинэ мед ваёз. Ӟеч сюрес тӥледлы, пиос!

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Галерея

Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: армиягә озату