Хезмәт

Балтач районы

18+
2024 - Гаилә елы
Азьлане

«Берёзка» шулдыртӥз

Акашка бере 50-тӥ нуналаз православнойёс одӥгзэ валтӥсь православной праздникез — Семыкез — пусъё. Азьло дырысен та празднике черкез но, юртъёсты но кызьпу вайёсын чебермаллям вылэм. Та чебер писпулы сӥзьыса, Покчи Лӧзяын арлы быдэ «Берёзка» праздникез ортчыто.

Бен, дырыз но туж умой тупа — Семыклы котьку гуртын трос адями луэ, калык шайвылэ мыныны бертэ. Ӝытаз нош собере — гурт празднике потэ. Берёзка котьку сямен котыр улосъёсысь куноосты люкалляз. Туэ но озьы ик вал. Ӟаныын ортчем Гырон быдтонын азьвыл нуналаз куазь ӧз шумпотты ке, Покчи Лӧзяослы та ласянь туж удалтӥз.

— Туж умой вал куазез но, люкаськем адямиослэн мылкыдъёссы но. Калыкез шулдыртыса ужазы вузкарон точкаос, нылпиос но бадӟымъёс понна радъямын вал Сабантуйын кадь шудонъёс, ӵошатсконъёс. Нюръяськон гинэ ӧй вал, — шуиз Покчи Лӧзя культура юртысь художественной кивалтӥсь,  арлы быдэ та праздникез радъясь но ортчытӥсь Галина Петрова.

Зэм, Берёзка Сабантуй но Гырон быдтон праздникъёслы туж матын. Татын но калык шудонъёсы пыриськыса кузьымъёсты утыны быгатэ, праздниклы дасяськыку озьы ик гурт кузя арапа люкаса ветло. Но Берёзкалэн вань валтӥсь пӧртэмлыкез — татын кызьпуэз чебермаса,  со котырын экто-кырӟало, шулдыръясько.

Покчи Лӧзя гурт калыкез праздникен ӟечкыланы гурт поселенилэн главаез Сергей Мухин сяна вуиз на Балтась районысь исполнительной комитетлэн кивалтӥсезлэн воштӥсез Ильгам Гайнутдинов. Шулдыръяськонысь ӝутскем мылкыдъёсын бертэм гурт калык арлы быдэ та праздникез ортчытыны юрттӥсь «Сурнай, «Ушма» обществоослы, ИП Султанов Ильмирлы, «Берёзка», «ФарМат», «Талисман», «Ялтра» магазинъёслы пумтэм тау каронзэ вуттэ.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Галерея

Оставляйте реакции

4

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Малые Лызи березка