Ӟечкылан кыл

Кыкез но туж кулэ дата, выжыоссы муре кошкем кык егит праздник.

4-тӥ шуркынмонэ пусйиськомы Калык огазеяськон нуналэз. Та праздник тодамы вайытэ Россилэн историысьтыз дано учырез — 1612-тӥ арын К. Минин но Д. Пожарский ӟуч кунэз мозмытӥзы полякъёслэсь.

Татарстан, соин валче асьме ёросмы но, котьку но данъяськылӥз одӥг музъем вылын улӥсь пӧртэм калыкъёслэн эшъяськыны быгатэменызы, Россилэсь кужымзэ утёнэ но юнматонэ огкылысь пыриськеменызы. Азьлозэ чакласа, асьмеос вылӥ дунъяськомы азьвыл поколениен кылдытэм узырлыкез, соосын люкам ваньбур, сям-йылолъёссы юрттӥзы асьмелы республикаез азинтыны. Озьы шаермы быгатӥз утьыны но уноятыны татын улӥсь калыкъёслэсь сям-йылолъёссэс, юнматыны эшъяськон кусыпъёссэс, Татарстан луиз Россиысь одӥгез тужгес азинлыко улӥсь улос.

Малпасько, берло аръёсы сямен ик быгатом шаермылэсь, быдэс Россилэсь азинсконзэс кужмоятыны. Шумпотымон: вашкала вакытэ сямен, туннэ но калыкмы вала, тупаса улыса гинэ, ӝутыны быгатомы кунмылэсь данзэ. Татарстан — трос калыкъем Россилэн люконтэм улосэз. Котькудмы бордысь потэ ёросмылэн, элькунмылэн но кунмылэн азинсконэз. Огъя кариськыса, асьмеос вормомы шугъяськытӥсь ужпумъёсты. Асьмеос сюлмаськемен, Татарстан но, Россия но вамышъёссэс паськытатозы! Огъя вераса, асьмелэн кужыммы огъя луон бордын. Сӥзисько ваньмылы юнлэсь юн тазалык, ӟечезлы но сайкытэзлы оскон.

Рамиль Нутфуллин

Балтась муниципал ёрослэн главаез