Хезмәт

Балтач районы

18+
2024 - Гаилә елы
Азьлане

Героез буре вайыса

18-тӥ толшоре Шор Кушкет шоръёзо школаын дано аспалмес, Вуж Кушкет гуртын вордскем но будэм Россилэсь Геройзэ Олег Николаевич Исаевез буре вайыса, спортивной ӵошатсконъёс ортчизы.

Та ужрадэз куасэн ӵошатсконъёстэк син азе пуктыны уг луы шуи ке, уг янгыша, дыр. Туннэ нуналэ та спортлэн одӥгез тужгес популярной амалэз шуыны кулэ. Ӵошатсконъёсы Ӟаны школаысь покчи, шор но бадӟым классъёсысь пиналъёс пыриськизы. Со сяна, нылпиос волейболэн но шудӥзы на. Таяз учыре ньыль школаос куспын «нюръяськон» мынӥз – Шор Кушкет, Ципья, Тюнтер но Покчи Лӧзя. Нимаз вожвылъяськизы нылъёс но пиос. Ӟаныос кужмоесь ик вылӥллям: нылъёслэн но пиослэн командаоссы вормисе потӥзы.

Буре ваён ужрадлэн сӥё-дано люкетаз пыриськыса кыл веразы Балтась районлэн военкомез Васил Валиев, Балтась районысь исполкомлэн кивалтӥсезлэн социальной юанъёсъя воштӥсез Ильгам Гайнутдинов, героймылэн анай-атаез Вера Петровна но Николай Степанович Исаевъёс но Арчаысь педагогикая колледжысь (азьло училище вал – О. П.) ӵош дышетскем эшъёсыз. Трос шуныт кылъёс верамын вал школалэн администрациезлы таӵе ужрадъёсты арысь аре ортчытэмез, чебер сямлы пӧрмытэмез понна но геройлэн анай-атаезлы сыӵе батыр сюлэмо пи будэтыны быгатэмзы понна. Вераны кулэ на, Вера Петровна но Николай Степанович Исаевъёс та ужрадэ буш киын уг лыкто шуыса. Таяз радэ соос, Олег пизы спортэн туж эшъяське вал шуыса, школалы кулэ но пайдаё кузьымъёс кузьмазы: куинь пӧртэм туп – одӥгез волейбол шудыны, кыкетӥез баскетбол шудон туп,  нош куинетӥез – футбол. Шор Кушкет школалэн спортъя вормонъёсаз соослэн но ас люкетсы луоз.

Олег Николаевичлэн Арча педколледжын ӵош дышетскем эшъёсыз трос тодэ ваёнъёссэс, дышетскон аръёсазы луэм учыръёссэс веразы. Одӥгез эшез таӵе учыр вераз. Азьло куинетӥ курс бере гужем нылпиосын ужаны лагере лэзё, пе , вал. Олег Исаев эшеныз ӵош одӥг лагере шедиллям. Одӥг пол, Казанка шуре вуэ пырыкуз, эшсэ судорога кутэм. Олег Николаевич соку кышкамтэ, ыштӥськымтэ – эшсэ вуысь поттэм, кулонлэсь мозмытэм.

Геройлыко агаез сярысь Диана Исаева племянницаезлэсь но юамы. Со но ужрадэ пыриськиз, сӥё-дано люкетаз выныныз ӵош мемориальной пул доры сяська поттӥз, спортивной люкетаз волейболэн шудонэ пыриськиз. «Бен, мон геройлэн племянницаез луисько. Со мынам агае. Жаляса верано, мыным сое улэпен адӟыны ӧз кылды… Но анай-атайлэн, агай-вынъёслэн верамзыя тодӥсько, кыӵе ӟеч адями со вал. Дышетскем эшъёсыныз верам вуын пыласькемзы сярысь учырез но тодӥсько. Мон соин туж данъяськисько. Ужрадлэн сӥё-дано люкетаз со сярысь кылбуръёсты но кырӟанъёсты кылыса, мынам синъёсам синвуос ик быгыльскизы. Монэ данъяськон но ӝож мылкыд тырмытӥз… Со али но улэп луыны быгатэ вал, ас семьяеныз шудо-буро улыны…», - шуэ Диана.

Ваньмыз та эшшо огпол юнматэ таӵе веранэз: «Герой луыса уг вордӥсько, улыса герой луо».

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Галерея

Оставляйте реакции

3

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: геройлар көне