Калык шудонъёсын но кырӟанъёсын гурт шулдырьяськон

2-тӥ гудырикошконэ, шулдыр Балтач музъем вылын, Малые Лызи гуртын Выль бакча сиён (Ильин) нуналэ «Курше. Мирас» проектъя «Непотерянные рецепты Балтасинского района» шуыса нимаськись ужрад ортчиз. Ми но отчы ширтӥмы семьяенымы. 

Удмурт сиён-юонлэн шӧмызлы, сям-йылолъёсылы сӥзем шулдырьяськон ортчиз гуртзылэн самой чебер интыяз. Аспӧртэмлыкез вал отын со, котькудӥз гурт калык вожвылъяськонэ дасяса нуэм удмурт сиён-юонъёсты, кудъёссэ веръяны но дунъяны мед быгатозы шуыса. 

Вань люкаськем калык ужрадъёсы мыло-кыдо пыриськиз. Та шулдыр нуналэ вордскем шаер, тупаса улон, эшъяськон но яратон сярысь шулдыресь крезьгуръёс, кырӟанъёс чузъяськизы. Удмурт кырӟанъёс но эктонъёс, калык шудонъёс, семьяос куспын ӵошатсконъёс кӧня пумо вал! Кырӟаны усточиос но пыриськизы. Соосты кужмо кичабонъёсын келязы. Соос сьӧры итӥськыса, ми но каллен кырӟаса пукимы, эктӥмы, сюлмысьтымы киосмес чабимы, гань-гань ял каримы. Тылскем вылын пӧзьтэм ӝукез но гурысь мильымез, самоварысь ошмес вуэн турын чай веръямы. Туж шулдыр ортчиз малпам ужрадзы. Шуд, тазалык тӥледлы, котьку таӵе задор мылкыдо, жингрес куараё мед луоды. Туж бадӟым тау кылмес вераськомы!

Кукмор ёросысь вуэм куноос