Кунаев Михаил Прокопьевич

1418 уй но 1418 нунал ӵоже мынэм ожмаськон. Тужгес но бадӟым ыштонъёсын, трос виркисьтонъёсын котькуд семьялэн сюлмаз пыраклы кылем дыр. 27 миллион быремъёс, кӧня ивортэк ышемъёс, сӧсырмем улонъёс. Туж дуно усиз асьмелы та Вормон, кема витем Вормон.

Та Быдӟым Вормонэз матэктытэм, шаерамы Вормон тулысэз ваем ожгарчиос пӧлын луэ мынам матысь ӵыжы-выжые но — анаелэн песятаез Кунаев Михаил Прокопьевич. Вордӥськемын со 1909 арын, Ӟаны гуртын. Ожмаськонэ басьтэмын 29 инвожое 1942 арын. Таиз песятае тужгес но сэзь но кышкасьтэм луэм. Немецъёслы пумит 2 пол атакае потэм. Нырысетӥзэ — 6 оштолэзе 1945 арын Кённигсберг город азьысь Такенвальде гурт дорын. Гранатаеныз пулемётэз пуштытыса, отделениысь боецъёслы азьлане сюрес усьтэм. Кышкасьтэм, батырлыко луэмез понна пересь песятае куинетӥ степенё «Слава» орденэн пусйиське. Кыкетӥзэ — 16 оштолэзе 1945 арын Кабибульде гурт котырын, атакае потыса, 3 гитлеровецъёсты быдтэ. Та подвигез понна «За отвагу» медален пусйиське. Вормон нуналозь ожмаськонлэн пӧртэм фронтъёсаз со вуоно луэ , куинь пол сӧсырмыны шеде.

Инмарлы тау, песятае ожысь сӧл-таза бертыса, трос аръёс ӵоже колхозын тыршем. Улон аръёсаз ож дырысь кыӵе гинэ дыръёсты, пе, тодаз уг вайы вал. Вань адӟемъёссэ мадьыны ке кутске, синвутэк кылзыны, пе, уг луы вал. Данъяськисько, таӵе батырлыко сямъем ӵыжы-выжыеным. ("Азьлане", Ольга Плотникова)

#МойГеройМояСемья
#МинемГеройМинемГаилә
#Бесмертныйполк