Кылысь буёлэ

Тунсыко соиз, конкурс онлайн режимын ортчиз, мукет сямен вераса, интыын ик, чеберлыко произведениысь люкетэз лыдӟем бере ик, пиналъёс суредъёссэс суреданы кутскизы. Ужрадэ Балтась  ёросысь удмурт этнокультурной компонентэн школаос пыриськизы. Со Покчи Лӧзя, Шор Кушкет, Ципья шоръёзо школаос но Вылын Ушма, Сырья но Ярак-Чурма школа-нылпи садъёс. «Таӵе конкурс кылем дышетскон арын ик ортчытыны чакласькеммы вал ини, но пӧрмыса ӧз вуы. Туэ рос-прос басьтӥськимы со борды. Умой пӧрмиз кадь, пыриськем пиналъёслэсь одӥгзэ но палэнэ ӧм кельтэ, котькудзэ пусйимы. Конкурс малпамын вал нылпиослэсь творческой быгатонлыксэс усьтон, лыдӟиськон мылкыдзэс, тужгес но удмурт литератураен тунсыкъяськон мылкыдзэс улӟытон но литературалэн юрттэменыз Атаймузъемез яратыны дышетон вылысь. Малпам потэ, тыршеммы юнме ӧй вал шуыса», — шуэ конкурслэн одӥгез кичӧлтӥсез, ёросысь удмурт кылъя но литературая дышетӥсьёслэн методической огазеяськонзылэн кивалтӥсез Наталия Антонова. Туннэ нуналэ йылпумъянъёс лэсьтэмын, вормисьёс тодмо ини. Ӵектӥськом лыдӟисьёсмылы но соосын тодматскыны. Озьыен, вормисьлэсь дипломзэ басьтӥзы: Ишмурзина Аделина (Вылын Ушма школа-нылпи сад), Антонова Елена (Покчи Лӧзя шоръёзо школа), Яковлева Варвара (Ципья шоръёзо школа),  Чернова Алеся (Ципья шоръёзо школа), Петрова Вилиана (Покчи Лӧзя шоръёзо школа), Трофимова Снежана (Шор Кушкет шоръёзо школа).

Кыкетӥ интыен пусйиськизы: Кузнецова Арина (Ципья шоръёзо школа), Зимаев Роман (Шор Кушкет шоръёзо школа), Трофимов Тимур (Шор Кушкет шоръёзо школа), Филипова Мария (Покчи Лӧзя шоръёзо школа), Исаева Елена (Шор Кушкет шоръёзо школа). Куинетӥ интыын: Плотникова Софья (Сырья школа-нылпи сад), Калинина Анна (Покчи Лӧзя шоръёзо школа), Петрова Виктория (Покчи Лӧзя шоръёзо школа), Исаева Вероника (Шор Кушкет шоръёзо школа), Тургенева Наталья (Ципья шоръёзо школа). Со сяна, кӧня ке номинациосъя но вормисьёсты бырйизы. Кылсярысь, «Устолык но темаез тыр возьматыны быгатэм понна» номинациын пусйиськизы Игнатьева Иллариялэн (Шор Кушкет шоръёзо школа) но Никифорова Ариналэн (Ярак-Чурма школа-нылпи сад) ужъёссы. Ишмурзин Станиславлэн (Покчи Лӧзя шоръёзо школа)                               суредэз паймымон чебер но аспӧртэмлыко пӧрмем. Утёд ке, со огшоры карандашен гинэ суреда но буя вылэм, мукет буёлъёсты кутытэк. Соин Станиславез «Творческой фантазия но аспӧртэмлыко быдэстон» номинациын вормисен тодмостӥзы.

Ольга Плотникова