Хезмәт

Кызьы Акашкаез ортчыто Ярак-Чурмаын?

— Азьло дауръёсы гурт пиналъёс Акашка нуналэ урамын буям курегпузъёсын шудӥллям. Ми пичи дыръя сыӵе шудонъёс ӧй вал кадь ни, тодам уг вайиськы шудэммес.

Мария Матвеева, Ярак-Чурма гуртысь библиотекалэн заведующиез:
- 2016-тӥ арын, библиотекаын ужаны кутскеме бере, малпай Акашка нуналэ нылпиосын шудонъёс ортчытыны. Нырысь ик ивортӥ шудон сярысь, пиналъёс нялтас паймизы. «Мар-о со, кызьы?» юалляськыны кутскизы. Мон соослы ваньзэ валэктӥ но верай, праздник нуналэ, курегпуз бичаса бертэмзы бере, урамын шудонъёс ортчытомы шуыса. Сьӧразы быдэн 2-3 курегпуз но вайыны косӥ. Озьыен, нышыр бере ми люкаським лыдӟонние. Нырысь ик вераським Акашка сярысь, та праздниклэн кылдэмез сярысь. «Акашка нуналэ пумиськыку кызьы вазиськоно?», «Кыӵе нуналэ Иисус Христос улӟе?», «Кӧня нунал Иисус Христос улӟемез бере музъем вылтӥ ветлэ?» — та но мукет юанъёслы нылпиос, шумпотымон, шонер ответъёс сётъязы. Кутским собере шудыны. Одӥгаз шудонын («Бой крашенками») курегпузъёсын «жугиськыса» эскеримы кинлэн курегпузэс юнгес, мукетаз тужгес кема бергась курегпузъёсты шараямы («Катания яиц»). Нимысьтыз пулэсь лэсьтэм пичи «гурезьтӥ» курегпузъёсты васькытыса но шудӥмы: кинлэн кыдёкегес кошкиз, со ик вормиз. Эшшо одӥгез тунсыко шудон курегпузъёсты ог-огзылы ваче пумит питыратыса. Тазэ шонер интыын шудоно. Пиналъёс 1-2 метрын ог-огзылы ваче пумит султо но, одӥгез «Христос Воскресье!», нош мукетыз «Воистину Воскресе!» шуыса, курегпузъёссэс ваче шукиськытӥзы. Пуньыен курегпузэн бызьылонъя эстафета но ортчытыллӥмы. Пиналъёслы гинэ ӧвӧл, бадӟымъёслы но та шудонъёс кельшизы, тунсыко потӥзы, соос но шудӥзы. Кылем арын но Акашка шудонъёсты радъямы, детсадысь но покчи классъёсын дышетскись нылпиосын. Мылысь-кыдысь пыриськизы визьнодасьёс но, дышетӥсьёс но. Туэ но, кылдэм ке, та шудонъёсты орчтытыны малпаськомы. Малы ке шуоно таӵе ужрадъёс нылпиосты, будӥсь поколениез Акашкалэн традициосыныз матысенгес тодматэ но нылпиослы православной праздникъёсты гажан, яратон мылкыд пыӵатыны юрттэ.

 

Реклама
Теги: Акашка
Нравится
Поделиться:
Реклама
Комментарии (0)
Осталось символов: