Хезмәт

Мылкыдзэ чуръёс пыр усьтэ

Пӧламы таланто адямиос трос. Кин ке кырӟаны яратэ, кин ке эктыны усто, нош кин ке кылбурет дуннеез матын каре, ассэ кылбур гожъянын эскере, кылбур чуръёс пыр мылкыдъёссэ, дунневаланзэ усьтэ.

Ӵектӥськом тӥледлы асьме улосчимылэн, Вылын Ушма гуртын улӥсь кышномуртлэн — Екатерина Денисовна Ивановалэн — творческой емышъёсыныз — кылбуръёсыныз тодматскыны.

Екатерина Иванова вордске 1961-тӥ арын 3-тӥ коньывуонэ Балтась ёросысь Вукогуртын крестьян семьяын. Анаез — Щербакова Евдокия Александровна. Пенсие потытозяз колхозын кунян сюдэ . Атаез — Щербаков Денис Иванович. Со вал сюдэ но валэн пудоослы сиён нуллэ. Валче Щербаков кузпалъёс сизьым нылпи будэто. Пичи Катя 1969-тӥ арын Ципья шоръёзо школае нырысетӥ классэ мынэ. Котьку «4»-лы но «5»-лы гинэ дышетске. Туж кельшо солы ӟуч кылъя но литературая урокъёс. Дышетӥсьсы — Залкеева Вера Владимировна туж умой, тунсыко нуэ вылэм урокъёссэ. Соку ик яратэм ни Екатерина Денисовна гожъяны изложениос, диктантъёс но сочинениос. Сочинениосаз котьку тыршем гожтыны аслэсьтыз мылкыдзэ, малпанъёссэ.

1979-тӥ арын Ципья шоръёзо школаез йылпумъя. Со аре ик Можга педучилищее покчиёзо школаын дышетӥсьлы дышетскыны пыре. Педучилищеез 1982-тӥ арын йылпумъя. Ужаны бертэ Балтась ёросысь Улын Ушма начальной школае. Татын ужа 2016-тӥ арозь — школаез ворсатозязы. Али дыре но Екатерина Денмсовна 1-4 классъёсын удмурт кылъя но литературной лыдӟонъя урокъёсты нуэ Покчи Лӧзя шоръёзо но Вылын Ушма покчиёзо школаосын.

Котьмае тодыны турттӥсь Шапык

Огпол Ошмеслэн чырткем Шапыкез

Мусо анаезлэсь тазьы куриськиз:

«Лэзь тон, дуно анае, дунне адӟыны,

Паськыт шуръёсысь эшъёс бырйыны!»

Ошмес нош лэзиз чырткем нылашсэ,

Дунне адӟемез кыдатоз мылкыдзэ.

Бызе Шапык, кырӟаса жильыртэ,

Паськыт шуръёсыз адӟыны со дыртэ.

Вуиз ни со Шушмое

Ма меда вите сое?

Пыриз ву пыдсы —

Паймиз чорыглы.

Ширтӥз азьлане

Берытскиз, позырскиз -

Сюре вал чипей ыме!

Шапык ӝог мозмытскиз!

У-у-ух!!!

Тани ву пыдсысь адӟиз жуг-жагез.

Кинъёс ву пыдсы сое вуттӥллям?

Кыӵе адями ваем та жагез?

Кызьы киосыз куштыны ӝутскиллям?

Мӧзмыт кариськиз чырткем Шапык

Таӵе учыр ӧз шумпотты чик.

«Кошко, утчало на чылкыт интыос,

Кытчы вуымтэ адями киос»

Кема утчаз со пожамтэ шуръёсты

Ӧз шедьты дуннеысь соосты.

Бӧрдӥз, куректӥз

Инме со ӝутскиз.

Эшъёс шедьтыса

Пилемлы берытскиз.

Бертӥз зорлы пӧрмыса,

Вордскем палъёсаз мӧзмыса.

Вань адӟемзэ со мадиз Ошмеслы

Сюлэм висёнзэ жильдӥз анаезлы.

— Адямиос! Тӥледлы вазисько,

Вань шапыкъёсын ӵош мон курисько!

Чылкыт возе ошмесъёсты, шуръёсты!

Эн пожалэ соосты!

Юоно вуос ӧжыт Музъемын.

Котькуд ошместы мед луоз чотын.

Тӥ бордын гинэ милям улонмы,

Ӧд ке утелэ ваньмы куасьмомы!

Дуно ошмесэ

Котькуд калык понна дуно

Ошмес, кудӥз чылкыт вуо.

Туж кемалась Ушма дорысь нюк пыдэсын

Вордскиз чылкыт синмо ошмес.

Трос бадьпуос ошмес котырын,

Мушъёс гужгето чылкыт омырын.

Куартолэзе уӵыед чирдылэ,

Мусо крезьгурез сюлэмме бугыртэ.

Сюрс дун шапыкъёс жальыртыса,

Кошко гурт калыкез шумпоттыса.

Гужем татын пиналъёс пыласько,

Ӵӧж, ӟазегъёс но отчы итӥсько.

Чылкыт ошмеслы йыбыртто пудоос!

Дун вуэныз пыласько бурдоос!

Котькуд лулос вуэзлы шумпотэ,

Дуно ошмеслы котькудӥз тау каре!

Чебер сяськаос котырзэ шулдырто,

Сьӧд пилемъёс лыктыса гудырто.

Ошмес нош зорлы шумпотэ,

Синзэ зор вуэн пылатэ.

Зор вуэн огазе ӧръяськиз —

Ошмесмы Ушминка шурлы пӧрмиз.

Ӧз лу вормыны, бызиз азьлане,

Дун вузэ вуттӥз Шушмое.

Ошмессин вуоссэ келяса,

Выль шапыкъёссэ пумита.

Улэ но шока, буса дун ошмес,

Реклама

Люкта дун вуэн калыкмес.

Ушма калыке, чылкыт ошместэ,

Тон эн вунэты, утьы сое!

Тулыс но гужем, сӥзьыл, толалтэ

Ческыт вузэ со котьку вае.

07.04.2016 ар

Шырчик

Тулыслы шумпотыса,

Укноме усьтӥ вӧлак.

Шырчик пуке кырӟаса

Кызьпу вай вылын.

Кыдёкысь ук со лобем

Вордскем шаераз.

Шӧдске, туж ик со мӧзмем

Мусо карезлэсь.

Тулысэз данъяса,

Шулдыр гурзэ кисьтэ.

Бертэмезлы шумпотыса,

Вань улосэз шулдыртэ!

2017 ар, тулыс

Пыж лэзё мон ульчатӥ...

Мемиелы паймыса верай:

— Ма кытчы лымы кошкем?

— Укное тон учкы-ай,

Валалод ваньзэ ма луэм.

Укное соку учки но валай.

Ми доры вуэм но гурла.

Лымыез со пож вулы пӧрмытэм.

Ульчаетӥ ву кошке, жильыра.

Ђогак мон дӥсяськи

Ульчае тани вуи.

Эшеным ми кык кузя

Пыж лэзёмы шур кузя.

Тюрагай

Тулыслэн вань аслаз шулдыр крезьгурез.

Кылӥ мон сое липет йылысь усись шапыклэсь.

Жингыртӥз со шырчиклэн кырӟаназ,

Концертаз со ватсаз куаразэ тюрагайлэсь.

Со куара лыз инмын жингыртэ,

Тюргетэ, тюр-ли тюр! Тюргетэ.

Кырӟанзэ дугдытэк жальыртэ,

Сюлэмез ик со позыртэ.

Шулдыр тулыс нуналлы

Шулдыр тулыс нуналлы

Котькин шумпотэ.

Шундыед но инбамын

Мыным пальпотэ.

Учки мон бадьпу шоры

Сюлэм ик шуназ.

Ненег пучы-тютюос

Шорам учкизы.

Воштӥськиз ук вань улос,

Мылкыдме бурдъяз.

Кезьыт тол ини кошкиз

Шаерам вуиз тулыс!

Нырысь лымы

Нырысь лымы усе.

Кема витим сое.

Музъем тӧдьы дӥсен

Луиз, выль кен выллем.

Тау каризы лудъёс, возьёс,

Шумпотӥзы ни пӧйшуръёс.

Музъем анай тӧдьы шобыр улэ

Умме усиз небыт валес улэ.

Мылкыд шулдыр, улон майбыр.

Со-а ӧвӧл милемлы шудбур?

Пичи внуке ини шумпотэ,

Куасэн нискыоамез потэ.

Бадӟым внуке но шумпотэ

Ђоген Тол бабаймы лыктэ!

Ваёз, пе, со милемлы кузьымъёс,

Кема витем каникулъёс!

Теги: кылбур
Нравится
Поделиться:
Реклама
Комментарии (0)
Осталось символов: