Хезмәт

Пучыез но курегпузэс куштыны яра-а?

Арлы быдэ но газетамы Акашка сярысь бадӟым материалъёс потыло — солэн кылдэмез сярысь, тунсыко традициосыз сярысь. Кожалод, Акашка сярысь ваньмыз гожъямын вал ни, но озьы ке но лыдӟисьёсмылэн арлы быдэ но Акашка праздник сярысь но солы дасяськонъёс сярысь пӧртэм юанъёссы кылдыло. Таяз учыре гожтомы черкысь ваем курегпуз но пучы сярысь.

Юанъёслы ответ сётӥз Ципья черкысь отец Георгий.

— Отец Георгий, нырысь ик вералэ вал, черкысь басьтэм пучыез но курегпузэс кытын но кызьы возёно? Выльёссэ ваем бере, кылем арлэсьсэ мар кароно?

— Валаны кулэ, курегпуз но, пучы но черкын вӧсямын луо, соин но соосты кытчы мылпотэ отчы поныны, куштыны уг яра. Соос коркаосмес сьӧд кужымъёслэсь, тылпу потонъёслэсь утё. Возёно соосты обросъёс дорын, нош азьвыл аръёслэсь кылемзэ корка сиге, липет улэ октоно. Отысь опилка пушкы тырыны луэ.

— Нош курегпузъёсты, пучыез черке кытысь ваё? Черке ветлӥсь адямиос асьсэос ик-а?

— Курегпуз сярысь ке верано, сое зэмзэ но черке ветлӥсьёс ваё. Кин кӧня вайыны быгатэ. Собере Казаньысь нимысьтыз краска вайиськомы но, черке ветлӥсьёс ик со курегпузъёсты буяло. Праздник нуналэ вӧсям курегпузъёсты  адямиослы асьсэлы ик сётъяськомы. Туэ но тани 500 котырын курегпуз дасяломы. Пучыез нош Уржум пала ик мыныса вайиськомы. Та уж борды но озьы ик черкын ужасьёс басьтӥсько — машинаен мыныса, пучы люкаса ваё.

— Кӧня ке арня ӵоже ини адямиос дасясько та бадӟым праздниклы — коркаоссэс утялто, мисьтасько...

— Соиз зэмзэ но озьы со, азьло дырысен Акашкалы озьы дасяськиллям, утялскиллям. Но мон тазьы верасал: юртады гинэ чылкытлык кылдытыны эн тырше — нырысь ик лулды мед луоз чылкыт. Лулдэс чылкытатыны тырше.

 

 

Реклама
Теги: Акашка
Нравится
Поделиться:
Реклама
Комментарии (0)
Осталось символов: