Хезмәт

Сергей Макаров: «Ят музъемын ваньмыз милемлы пумит вал…»

Сергей Анатольевич Макаров 1968-тӥ арын 22 ноябре Пор-Кутеш гуртын вордскемын.

1986-тӥ арын Тюнтер шоръёзо школаез йылпумъяса, май толэзьын 1987-тӥ арын арми радъёсы басьтӥське. Вить толэзь ӵоже кыстӥськем дышетсконъёсты (май-ноябрь толэзьёсы) ортчемез бере, егит пиез Афганистанэ келяло. Люкылонъя (распределениея) со Джелалабад городэ шеде. Баграмской дивизилэн нимысьтыз (отдельной) противотанковой дивизионаз служить каре. Николай Ивановичлэн кадь ик машина нуллыны правоез луэм бере, механик-водитель луэ со но.

— Милям валтӥсез ужпуммы вал Афганистанысь самой бадӟым ГЭС-эз диверсантъёслэсь утён, соос сое медаз пуштытэ шуыса (пусъеме потэ, ми кошкем бере, со ГЭС-эз кык толэзьскын пуштытӥллям ини). Вань вал мукет ужпуммы но. Застава дорын ик милям бадӟым гурезь вал (одӥг палаз ми ГЭС-эз утимы, мукет палаз — караванной сюрес, отын Пакистан границаысен колоннаос боеприпасэн, диверсантъёсын, продуктъёсын). Милемлы соосты эскероно вал, мукет сямен вераса, соосты быдтоно вал. Кӧня колоннаосты быдтӥмы, дыр, вераны уг тодӥськы. Нимысьтыз дышетэм одӥг диверсантэз но пленэ басьтыны быгатӥмы, куинь нунал ӵоже сое возьмамы, — тодаз вае Афганистанын служить карем дыръёссэ Сергей Анатольевич.

Со шоры учкыса, соку ик валаны луэ вал: Сергей агайлы та сярысь малпаськыны, вераны капчи ӧвӧл. Кожалод: трос но ӧз вера кадь, нош макем секыт сётске воргоронлы котькуд верам кылыз, котькуд тодаз ваем учырез… Но Сергей Анатольевич, зэмос пиосмурт кадь, мылкыдъёсызлы сётскытэк, веранзэ азьланьтӥз:

— Служба капчи ӧй вал. Ят музъемын ваньмыз милемлы пумит вал… Музъемез но (отын ведь котыр гурезьёс, пустыня — ми сыӵе интыын улыны дышымтэ), инкуазез но (асьмелэн зорез но, шундыез но вань; шунытэзлы но, кезьытэзлы но чидамон, нош отын шунды йӧтымтэ интыын витьтон градусозь пӧсь вал). Быдэс нымы-кибыос но милемлы пумит кадь потэ вал милемлы — тросэз соос пӧлысь ядовитой, кыйёс но. Асьмелэн сыӵеосыз ӧвӧл. Ми палэнысь лыктэм солдатъёс вал бере, милемлы пумит вал мирной адямиос но…

Секыт луэм егит пиослы палэнысь тодмотэм интыослы дышыны. Вордскем палъёсыдлэсь мӧзмод-а, анай-атаед сярысь сюлмаськод-а, улэп кыльыса сӧл-тазаен вордскем гуртад бертон сярысь малпаськод-а, тушмонэн жугиськод-а… Трос эшъёссэ со жугиськонын ыштыны тупам Сергей Анатольевичлы но: Арзамасысь куинь тодмооссэ, мукет юлтошъёссэ, минае шедьыса пыдтэм кылем Украинаысь одӥг эшез но.

Реклама

— Трос советской солдатъёс быризы со жугиськонын: кӧняез сӧсырмонъёсын вал, кӧняез бертыса кулӥзы… Солэсь но тросгес быремъёс луысалзы али, бронежилетъёсмы ӧй ке луысал. Со 25 килограммъем жилетъёс трос солдатъёслэсь улонзэс утизы. Мыным но со жилет улэп кыльыны юрттӥз, —шуэ Сергей агай.

Сергей Анатольевичлэн секыт сӧсырмонъёсыз луымтэ. Осколокен сӧсырмонъёсты лыдъятэк. Демобилизовать каро сое 13 феврале 1989-тӥ арын, со предпоследней командаен Афганистанысь асьме пала потэ. Потэменыз валче дораз телеграмма ыстэ, сӧл-таза шуыса. Сергей Анатольевич пусъемын «За боевые заслуги» медален.

— Афганистанын служить карем куд-ог пиосмуртъёс, отын адӟем шуг-секытъёссэс вунэтыны быгатытэк яке сӧсырмемзылы чидатэк, юыны кутскиллям шуыса тодӥсько, нош тӥ…

— Мынам юон сярысь малпаськонъёсы ӧз кылдылэ — куинь нылъёсы, внучкае вань, — веранме пумозяз кылзӥськытэк, пальпотон мылкыдзэ ватытэк вера Сергей агай. — Афганистанын служить карыны тупаз шуыса огпол но ӧй жаля. Кызьы луиз ке но, отын улэм дырмы тросэзлы дышетӥз монэ, кыдан, чидан сётӥз.

1993-тӥ арын Сергей Анатольевич семья кылдытэ, Ольга Григорьевнаез кышнолы пыртэ. Сергей агай гумыраз «Дуслык» колхозын тыршем, 1993-тӥ арысен 2019-тӥ арозь валтӥсь агроном луыса, 2019-тӥ арысен — агроном. Кузпалыз гуртысьтызы фермаязы скал кыскем, туннэ нуналэ кунянъёсты сюдэ. Соослэн куинь нылъёссы вань, кемалась ӧвӧл внучказы но вордскем.

Сыӵе каньыл, востэм, трос вераськисьтэм, кышкасьтэм, патриот луись воргоронъёсын тодматскемелы пумтэм шумпотӥсько. Бен, журналистъёс трос вераськись адямиослы шумпото но… Таиз воксё мукет учыр. Куке кӧня ке кылысен адямилэсь мар вераны малпамзэ валаськод, куке солэн куалекъясь куараезъя мылкыдъёссэ шӧдӥськод, куке кылъёстэк но ваньмыз валамон: та зэмос воргоронъёс.

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: