Хезмәт

Балтач районы

18+
2024 - Гаилә елы
Азьлане

«Сиён уг луы вал»

20 мае Ярак-Чурма гуртын улӥсь Елизавета Тимофеевна Фёдоровалы 90 арес тырмиз.

«Сиён уг луы вал...» Ялан та кылъёсты вераса синвуаськем Елизавета Тимофеевналэн адӟемъёсыз (курадӟыса, секыт условиосын нюлэс но корамзэ ялан тодаз вайылӥз) сюлэмез вӧсь каризы ке но, туннэ нуналэ солэн улон-вылонэз шумпоттэ. Тӥни ук, юбилеяз шуыса правнукъёсыз но бертӥллям. «Малы туннэ ортчемзэ тодэ вайыса, бӧрдыса пуконэз», — шуыса вуиз Лиза апайлэн сузэрыз. Кыкназы туспуктэме усизы.

«Мон 24 аресэн картлы бызи, — шуэ Лиза апай. — Кыдёке ӧвӧл, гуртысь пияшлы гинэ. Солэн кулэмезлы но 27 ар ини. Туж умой улӥмы, 5 нылпи будэтӥмы — 3 пи но 2 ныл». Лиза апай вера, нош мон синмаськыса, паймыса кылзӥськисько солэсь бигер сямен вераськемзэ. «Кытын гинэ ӧй ужа, ялан бигеръёсын вал, соосын капчиен вераськи, эшлыко улӥмы. Нылпиосы но бигер сямен вольыт верасько», — шуэ юбиляр.

«Милям анайёс 6 нылпи луиллям семьяязы, анаймы — кыкетӥез, — шуэ Гондыргуртын улӥсь Ксения нимо нылыз. — Атайзы колхозын ужам, 84 аресэн кулэм. Вань кадь секыт ужъёсты Пелагея нимо песяймылы но анаймылы быдэсъяны тупам. «Сиён уг луы вал...» шуыса тодэ ваёнъёсыз тужгес но атайтэк улон дыръёсаз луо...»

Кема ик дыр ортчытэк, бускелязы улӥсь покчи нылзы Ольга но пырыса вуиз. Внукъёсыз, правнукъёсыз люкаськизы. «Ксения Василий но Вячеслав нимо пиосыныз Џош улэ, Валентин пие Зеленодольскын, бигер нылэн кузпалъяськемын», — пальпотыса вера мыным песянай. 12 внукез, 2 правнукез Елизавета Тимофеевналэн, матысь нуналъёсы тани нош одӥгез вордскоз.

Лизапаез ваньзы ик ярато, нылпиосыз вӧзысьтыз уг кошко, кенъёсыз но туж умоесь, внукъёсыз но вӧзаз...

90 арес ке но, али сиён но пӧзьтэ, быгатэмзэ ужа но. Таза лу, Лиза апай!

Юбилееныз ӟечкыланы лыктэм районысь исполкомлэн кивалтӥсезлэн воштӥсез Ильгам Гайнутдинов, социальной дурбасьтонъя отделлэн кивалтӥсез Алсу Гатиятуллина, Шубан гурт поселенилэн главаез Раиф ... но «Алга» обществолэсь кузьымзэ сётыны лыктэм Фаниль Ибениев юбилярлы гажамзэс вераса, ӟечкыланъёссэс вуттӥзы, кузьымъёс кузьмазы. Нош Россилэн Президентэзлэсь сётэм гожтэтсэ Лиза апай киысьтыз но ӧз кушты.

 

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: юбилей