Хезмәт

Ӧтчаське... «Пӧртмась вень»

Ваньдэсыз ӧтисько 14-тӥ феврале 19.00 часлы Сырья клубе «Пӧртмась вень» кино-премьерае!

Гажано лыдӟисьёс:

— кинлы дуно удмуртлык!

— кинлы тунсыко удмурт кино!

— кин яратэ чебер гуръёсты, чебер инкуазез, вордскем шаермес!

— кинлы дуно удмуртъёсын пумиськон!

— кинлэн ас киыныз удмурт кино лэсьтэмез потэ!

Ваньдэсыз ӧтисько 14-тӥ феврале 19.00 часлы Сырья клубе «Пӧртмась вень» кино-премьерае!

Полнометражной фильм «Пӧртмась вень» уськытэмын 2018 арын апрель-август толэзьёсы Сырья гуртын, Римма Николаевалэн (Перевозчикова) выжыкыл-пьесаезъя.

Валтӥсь рольёсын шудӥсьёс: Ангелина Камашева, Руслан Корнилов, Лариса Чернова. Актёр чотын шудӥсьёс: Алина Зубарева, Андрей Зубарев, Яков Зубарев, Кирилл Копеев, Елена Кушакова, Ольга Чернова. Эпизодъёсы пыризы: бертэм куноос но Сырья гуртын улӥсьёс.

Ма сярысь кино: Быдӟым Акашка нуналэ валтӥсь геройлы — Шушылы кузьмам Пӧртмась вень, паймымон сямен огазея егит сюлэмъёсты.

26-тӥ январе нырысетӥяз премьераямы пыриськизы Сырья гуртоосы но матысь эшъёсы гинэ. Соос ик та фильмлы бурдъёс понӥзы.

Кинолэн дуныз сярысь: флешкаям куштод-а шуыса юасьёс луылӥзы ини... «Интернетэ понӥд ке, адӟом али!» — шуисьёс но вань... Покчиослы - 50 манет, бадӟымъёслы — 100 манет. Клубамы тямыстон пуконлэн кӧняез ке гинэ буш кылиз. Валамон, бушын луысал ке, калык эшшо но тросгес луысал! Дуно-а 100 (50) манет часлэсь кемагес кыстӥськись кино учкон понна??? — Кинлэн кыӵе мылкыд ини: кин ке киное билет басьтоз, кин ке — пиво юоз... Фотографлы кӧня ке быртык фотоос понна сюрсэн но ум тӧляське-а?!...

Кытчы мыноз люкам уксё? — 2011 арысен арлы быдэ, одӥгаз гинэ ӧвӧл, куд ке арын кыказ яке куиняз но грантъёсъя конкурсъёсы пыриськылӥсько. Пумиськылӥ ни Татарстан Элькун Кенешысь Госдумаысь депутатъёсын: Римма Ратниковаен — 2014 арын, Марат Бариевен — 2017 арын. Но... дӧдьые ялан интыяз сылэ. «Удмурт шыкысысь ваньбуръёс: Шошма удмуртъёслэн кырӟанъёссы, эктонъёссы но шудон-шулдыръяськонъёссы» сборниклэсь ӟечлыксэ утён, шекъёссэ эскерон муген, сое ог дас быртыкъем тиражен поттыны малпасько. Озьы пӧрам книгаен кабинетъёсъя куралляськыса ветлыны но, оло. капчигес луоз...

Леонид Сапожников

Реклама
Нравится
Поделиться:
Реклама
Комментарии (2)
Осталось символов:
  • 14 март 2019 - 19:00
    Без имени
    Ваньна вылэм али гуртын улись калы.. к. Туж шумпотыса учкисько удмурт кылэн гожьчм чурьесыз.. Уг вунэто аслэськыз кылзэ... Анай кылэз вунэтоно овол.
  • 9 февраль 2019 - 19:46
    Без имени
    леонид тон молодец ми тонэныд гордимся так держать