УДМУРТ КЫЛБУР

"Муртъёслэсь" нылпизэс басьтыса гажаны,
Аслэсьтыз шунытсэ жалятэк сётыны
Быгатэ туж чидась сюлэмо адями, 
Кудӥзлы сётэмын муртъёсты шунтыны.

Шат ӧжыт асьмелэн сыӵеесь сюлэмъёс - 
Котькинлэн вал дыраз осконэз - дышетӥсь,
Школ азьын тӥледыз гажаса пумитась,
Пинал дыр улонмес валче ӵош ортчытӥсь!

Кин мыным улонэ урокъёс сётылӥз, 
Тау солы, со понна музъемозь йыбыртско.
Калыклы туж кулэ пайдаё ужъёсысь 
Дышетон ӧнерлы сюлэмме сётӥсько.( берыктӥз Ник В.П.)