Улонзэ тыршыса ортчытэм

Вера Зоя Сергеевналэн нылыз, Зинаида:

— Анаймы, тросэз со дыре вордскем адямиос кадь ик, туж секыт улон пыр потэм мурт. Быдэ вуымтэ дыръяз ик со, 120 иськемез ортчыса, Киров нюлэсъёсын кудымульы (черника) бичам, сое вайыса вузам но таин улыны коньдон поттэм. Берло буфетын ужам, Бугульмаын бухгалтерлы дышетскыса, районысь потребительёслэн обществоязы тыршем. Анай-атаймы адӟем карымон улӥзы. Милемыз но шонер визьнодаса будэтӥзы, улонын ас сюресмес шедьтыны юрттӥзы. Тау соослы со понна. Жаляса верано, атаймы та нуналэз ӧз адӟы ни.

Карек-Серма гуртысь Семён нимо пиен кузпалъяськыса, соос кык нылпи будэтӥллям. Зоя апайлэн кузпалыз туж вазь та дуннеысь кошкем. Туннэ нуналэ Зоя Сергеевна валтӥсь юртаз Валерий пиеныз улэ. Зинаида нылыз но ялан соос доры вуылэ.