Вормон нунал матынъяськемен жугиськон аръёсы адӟемъёс выльдӥсько

Атайлэн выныз, Александр, жугиськон потытозь служить карыны кошке но война йылпумъяськем бере гинэ, 1946-тӥ арын, гуртэ бертэ. Солэн кышноез 1942-тӥ арын кулэ, кыле 3 аресъем Клим пиез. Сое анаен песяйёс утё. Кема ик уг улы Вениамин выны но кулэ.

Атай жугиськон кутскытозь «Дэмен» колхозын бригадир луыса ужа. Жугиськонын разведчик луыса служить каре Восточной Пруссиын.

Огпол соосты 11 ӵошен разведкае лэзиллям. Ӝытэз витьыса, посадка доры шутэтскыны дугдӥллям. Атае, кулэ луэмен, посадка пушкы пырем. Со минутэ дугдэм интызы пуштэм — снаряд вылэ пуксиллям, луоз. Отысь адямиослэн номырзы но кыльымтэ. Атай но, посадка пушкын луыса но, сӧсырмем, солэн паллян макесэз воксё ӧй вал, осколок басьтэм. Шедьтӥллям сое 2 сутка ортчыса гинэ. Госпитальын кема кыллем бераз атаез Шемордан станцие вайиллям.  Отысен гуртэ Миронов Николай валэн вайыса бертэм. Со кык кунул бодыен луэ. Дорын кема уг возё атаез, Казане военной заводэ лэзё («Биш балта» шуо вал сое соку). Отын со жугиськон дугдытозь ужаз. Анайлы коть одӥг ведра ке но картофка вайыны курыса гожтэт лэзем вал. Заводын ужасьёс но сютэм сямен улӥллям. Анае одӥг ведра картофкаен Шеморданэ потыса кошкиз, отысен поездэн — Казане. Тӥни озьы ож бырытозь Казаньын служить кариз атай. Собере колхозын ужаз. Солэн яраез кулытозяз но ӧз бурмы. 8 мае 1964-тӥ арын кулӥз.

Елизавета Абрамова

Ципья черкогурт