Хезмәт

Юлия Исаева — «Алга» обществоысь пудо утись

«Алга» обществоысь пудо утисез Рамиль Рашитович кема аръёс ӵоже пудо вордон удысын бервыло ужамез но 2019-тӥ арын вылӥ ужазинлыкен тыршемез понна Таукарон гожтэтэн пусйиз.

Статьяелэн кыкетӥ  героез — Ярак-Чурмаысь Юлия Васильевна Исаева. «Алга» обществоысь пудо утисез Рамиль Рашитович кема аръёс ӵоже пудо вордон удысын бервыло ужамез но 2019-тӥ арын вылӥ ужазинлыкен тыршемез понна Таукарон гожтэтэн пусйиз.

— Нырысетӥзэ сыӵе бадӟым карыса пусйизы. Мон понна со витьымтэ шорысь, но со дыре ик шумпотымон но луиз. Ми татын, фермаын, укмыс кузя нылкышноос ужаськомы, ми пӧлысь куинез гинэ кылемын вал ни Таукарон гожтэттэк. Табере тани мынам но вань, — пальпотэ нылкышно-пудо утись.

Ужлэсь мар луэмзэ пичиысеныз валаса будэм Юлия Васильевна. Школазэ йылпумъям бераз но (ачиз со Сырья гуртысь луэ, дышетсконзэ йылпумъя Ципья школаын), нокытчы дышетскыны уг кошкы — анай-атайёсыз уг лэзё. Нош солэн  дышетскыны мылкыдыз луэм. Но мылкыдыз мылкыдэн ик кылем. Ужан сюрессэ Ципьяысь маслозаводын кутске (Балтасинский сепараторный пункт шуыса нимаськем со соку). 1991-тӥ арын, картлы быземез бере, кышномуртэз Балтасьысь маслозаводэ выжто. Отын кема ужатэк, Ярак-Чурмаысь клубе заведующей луыса ужаны пыре. Колхозэ ужаны интыяськытозяз, улон Юлия Васильевнаез Малмыж ёросэ но вуттэ (семьяеныз отчы улыны выжо). Отын со нылпи садын ужа. 1996-тӥ арын гинэ, Ярак-Чурмае бертэмзы бере, со «Алга» обществое ужаны интыяське.

— Пӧртэм ужъёсты быдэсъяй, нокыӵе ужлэсь ӧй кышка. Парсьёсты но сюдӥ, ошак ферма вань вал, отын но ужай. Огъя вераса, кыӵе уж вань — ваньзэ ужаськомы. Гид сузяськомы, пудо сюдӥськомы, пызь пазяськомы... Капчи ӧвӧл ужмы. Ферма — ферма ни со, котьма шуид ке но. Но дышиськеммы ни, мукет ужын асме уг но адӟиськы кадь, — вера ужез сярысь Юлия Васильевна.

Фермаязы пудоослэн лыдзы кулэсмем ке но, туннэ нуналэ Юлия Васильевна вылын 42 кунян вань (фермаын соос кык ӵошен ужало, огъя 84 йыр кунянзы лыдъяське). Ужаны нуналаз куинь пол ветлоно ке но (ӵукна, нышырозь но нышыр бере), ужзэ курласа ӧз вера пудо утись. «Мон пудоосты яратӥсько, соосын вераськыса ужасько. Соос монэ валало но кадь потэ мыным. Фермамы но пичи, ужасьёсмы но трос ӧвӧл. Ог-огенымы но тупаса ужаськомы», — маде Юлия апай.

Азьмынӥсьёслэн слётазы ӟечкыламзылы Юлия Васильевна но туж шумпотэм.

— Кызьы уд шумпоты, со быдӟа сценае поттыса ӟечкылазы, сӥлы каризы бере. Туж кельшиз ваньмыз: концертэз но, столовойын дасям сиён-юонъёс но, — мылкыдъёссэ вераз гажано пудо утись.

Зэмзэ но, азьмынӥсьёсты ужрадын котьку сямен бадӟым каризы. Таукарон гожтэтъёс, коньдонкузьым, нылкышноослы — сяська керттэт. Зэмос праздниклы пӧрмиз та нуналзы слётэ люкаськемъёслэн. Одӥг нуналлы соос секыт ужзылэсь шутэтскизы, нош мукет нуналаз ини выль кужымен дышем ужзы борды басьтӥськизы.

P.S. Кызьы асьтэос но адӟиды, азьмынӥсьёслэн слётазы пӧртэм удысысь ужасьёсты пусйизы (списокын соос вань). Жаляса верано, ваньзы сярысь оглом гожтыны ӧз луы. Соин вуоно номеръёсын но тӥледыз дано гурт удысын ужасьёсынымы тодматыны тыршомы.

 

                 

 

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: