“Сабантуй мизгелләре” дигән бәйгене төгәлләдек, ”Без ял итә беләбез!” дигәнен башлыйбыз!

Хөрмәтле сайт укучыларыбыз! Бүген Сабантуй мизгелләре дигән бәйгебезгә нокта куйдык, җиңүче булып, бәйгедә иң күп тавыш җыйган Куныр авылыннан Рамил Нәҗипов танылды. Рамил әфәнде конкурсларыбызда даими катнаша, рәхмәт аңарга! Җиңүчебезне “Софья мебель кибетләре”ндә сатылучы күз явын алырлык мендәрләр (матур бүләк көтә дидек бит!) белән бүләклибез.
Бер бәйгене төгәлләдек, икенчесен башлыйбыз, җәмәгать! Монысы инде балаларның җәйге ялына, каникул чорына багышланачак һәм ул “Без ял итә беләбез!” дигән исем астында старт ала. Җәйге ялларын балаларыбызның кайсы кайда уздыра, лагерьларда ял итәме, авылда әби-бабай янындамы, әнисенә булышыпмы... Әйдәгез әле, бергәләшеп яңа бәйгегә 27 июльгә кадәр фотолар җибәрик, аннан 6нчы августка кадәр тавыш бирербез, ә инде бик тә тырышып иң күп тавыш җыючыны Яхшы итеп бүләкләрбез! Башладыкмы?! Башладык!