Торт ияләре билгеле

Автотранспорт хезмәткәрләре көне уңаеннан иң оригиналь котлауга бәйге игълан иткәндә без күпкә өметләнгән идек. Ни дисәң дә, игелекле һөнәр ияләре ләбаса. Әллә битарафка әйләндек, әллә башкаларны сөендерү теләге шул дәрәҗәдә генә. Нибары өч котлау алдык.

Шулай да вәгъдәбезгә тугры калырга, ике актив хәбәрчебезне җиңүче дип танырга булдык: Түнтәрдән Эльвина Иванова һәм Кариле авылыннан Чулпан Габделганиеваларның икесен дә тортлар белән сөендерергә уйладык. Бу күңелле мизгелләр белән соңрак таныштырырбыз.