Бүген көндез республиканың Питрәч районында үлем белән тәмамланган авария булды.
(Казан, 26 июнь, «Татар-информ», Полина Шевчук). Татарстан трассасында өч кеше һәлак булган авария нәтиҗәләре видеога эләккән. Видеоязманы кулланучылар социаль челтәрләрдә урнаштырды.
Кадрларда юлда җимерелеп беткән «Хендэ» җиңел автомобиле күренә. Алдарак юл кырыена төшеп китеп әйләнгән «КАМАЗ» ята. Ул бетон балкалар ташый торган булган.
авария шаһитлары фотосы
Фаҗига шаһитлары сүзләренә караганда, бүген көндез республиканың Питрәч районында юл-транспорт һәлакәте булган.
«Һәлакәттә өч кеше үлгән — машина йөртүче, чит ил машинасы пассажиры һәм йөк машинасын йөртүчесе», - дип сөйләделәр вакыйга шаһитлары.
Фото, видео: авария шаһитларыннан
Район тормышына кагылышлы иң мөһим яңалыкларны безнең Макс каналыннан да белә аласыз!
Нет комментариев