Иң оригиналь котлауга бәйге

Бу якшәмбедә автотранспорт хезмәткәрләре үзләренең һөнәри бәйрәмнәрен билгеләп үтә. Шул уңайдан без кечкенә генә конкурс үткәрергә булдык. Катнашу шарты бик гади: сайтыбызга кереп, әлеге язма астына чын ихластан котлау гына язарга кирәк. Котлаулар гомумән шушы һөнәр ияләренә багышланырга да, үзегезнең якыннарыгызга – әти-бабайларыгызга, хәләл җефетләрегезгә, таныш-белеш, туган-тумачага конкрет булырга да мөмкин. Видеокотлаулар да кабул ителә. Җиңүчене дүшәмбе көнне редакция коллективы сайлап алачак. Иң кызыклы, иң оригиналь котлау авторын тәмле торт көтә. Котлаулар саны чикләнмәгән, димәк, бер үк автор берничә котлау юллый ала. Башладык, җәмәгать!