Актанышта фаҗигале төстә вафат булган якташыбыз, журналист, Таузар авылы кызы Эльвира Ибраһимова истәлегенә багышланган "Моң кайтавазы" исемендәге III республикакүләм нәфис сүз видеобәйгесе үткәрелә
"Актаныш - информ"да фаҗигале төстә вафат булган якташыбыз, журналист, Таузар авылы кызы Эльвира Ибраһимова истәлегенә багышланган "Моң кайтавазы" исемендәге III республикакүләм нәфис сүз видеобәйгесе үткәрелә.
“Бәйгенең шартлары гади: бәйгедә катнашу өчен 5 куплеттан да артмаган шигырьне яттан сөйләп, видеоязмасын һәм түбәндәге гариза формасын тутырып kaitavaz@yandex.ru эл. почтасына "Актаныш авазына" дип ассызыклап җибәрергә кирәк. Видеоязмалар һәм гаризалар 25 марттан 15 апрельгә кадәр кабул ителә.
Барлык катнашучыларның да видеолары "Актаныш-информ"ның рәсми Youtube каналында да урнаштырылачак.
Безнең сылтама: https://www.youtube.com/channel/UC-EqRmSX978dFXE6iZ-H..
Бәйгенең йомгаклау өлешендә катнашучылар әзерләгән чыгышларны тыңлап, беренче, икенче, өченче урыннарны һәм гран-прига лаек нәфис сүз осталарын билгеләячәкбез. Моннан тыш, махсус бүләкләр булуы да мөмкин. Һәр катнашучыга электрон диплом тапшырылачак. Ә җиңүчеләр "Актаныш авазы" телевидениесенең махсус тапшыруында катнашачаклар”, дип яза aktanysh-rt.ru.
Фото: aktanysh-rt.ru
Район тормышына кагылышлы иң мөһим яңалыкларны безнең Макс каналыннан да белә аласыз!
Нет комментариев