Балтачлылар туризмда сынатмыйлар

Республика күләмендә Кукмара шәһәрендә үткәрелгән II Туризм ярышында Субаш төп гомуми белем мәктәбе укучылары 3 урынны яуладылар. Туризм түгәрәгенә тартылган һәр укучы сәләтлен ачык күрсәтә ала, чөнки туристлар рәссам, повар, чаңгычы, җырчы, артист та булырга тиешләр. Алай гына да түгел, алар үзләрендә физик көчне арттыру өстендә ныклы әзерлек эшләре алып баралар, һәрдаим тренировкага йөриләр. Кукмарадагы уңыш кечкенәләр төркеменең әле беренче уңышы. Шушы укучылар түгәрәге җитәкчесе Азат Хөснетдинов җитәкчелегендә киләчәктә тагын да зуррак уӊышларга ирешсеннәр иде.

Энҗе Хөснетдинова