Екатеринбургта Россия беренчелегенә узган кул көрәше ярышында безнең районның каты куллы егет-кызларына да бәхет елмайды.
Яңгулдан Рамил Сабиров (70кг) сул кулы белән һәм гомуми исәптә өченче призлы урынга лаек булды. Чепьядан Эльвина Иванова 40 килограмм үлчәү авырлыгында сул кулы белән – өченче, уң кулы белән – беренче һәм гомуми исәптә икенче урын яулады. Яңгулдан Эльвира Сәләхетдинова шушы ук үлчәү авырлыгында сул кулы белән – беренче, уң кулы белән – икенче, гомуми исәптә беренче булды. Шушы ук авылдан Диләрә Мортазина (50 кг) сул кулы белән – җиденче, уң кулы белән икенче, гомуми исәптә дүртенче урын яулады. Салавычтан Айгөл Вәлиева (45 кг) исә сул кулы белән – беренче, уң кулы белән дүртенче урын, ә гомуми исәптә беренчелекне яулады. Айгөл шулай ук Рәсәйнең спорт остасы нормаларын да үтәде.
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев