Хезмәт

3 яшьлек малай 21 магнит йоткан...

Баланың эчәкләрендә хәтта тишекләр барлыкка килгән.

Мәскәү өлкәсенең Пушкин шәһәрендә әти-әнисе 3 яшьлек малайны озак вакыт дәвамында эче авыртып елаганга дәваханәгә алып килгәннәр. Аның температурасы күтәрелгән һәм балада эчәкләрнең үткәрмәүчәнлеге билгеләре булган. Рентген тикшеренүе эчәклектә металл предмет булуын күрсәткән.

Табиблар хәле начарлана башлаган малайга тиз арада операция ясаган. Иң шаккатырганы шул – алар баланың эчәклегеннән 21 магнит ала. Магнит кисәкләре 9 урында эчәкләрне ябыштырып, эренле ялкынсыну булдырган, хәтта тишекләр барлыкка килгән... Кыскасы, алар сабыйның сәламәтлегенә зур зыян салып өлгергән була инде.

Бәхеткә, операция уңышлы үтә, малай савыгып, дәваханәдән чыккан.

В.Н. Розанов исемендәге дәваханәнең балалар хирургиясе бүлеге мөдире Алексей Громов билгеләвенчә, магнитлар сәламәтлек өчен җитди куркыныч тудыра. Шуңа да бәләкәй балалар үскән өйдә мондый предметларны ераккарак алып куярга кирәк, дип яза Кызыл таң.

 
Фото:vesti.ru

Автор: Зөлфия Фәтхетдинова

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: