Чыгымнарсыз гына өйне ничек үзгәртергә?
Кайчак тормышыбызга гына түгел, ә яшәгән йорт яки фатирыбызга да үзгәрешләр кертәсе килеп куя. Ел саен ремонт ясап та булмый.
Ә менә бертөрлелектән туйганда күңел тынычлыгы бирерлек нинди үзгәрешләр кертергә мөмкин соң? Монда сезгә декоратор Ирина Лазько киңәшләре ярдәмгә килер.
Җыештыр. Бүлмәләрегезне кирәксез әйберләрдән арындырыгыз. Кирәкмәгән әйберләрегезне ташларга, бирергә, сатарга мөмкин. Кулланмаган әйберләрегезне кызганмагыз. Әллә ничә ел торган ватык телевизорны хәзер генә төзәтеп тормаячаксыз бит инде. Чыгарылыш кичәсендә кигән күлмәгегезне дә кимәячәксез, билгеле. Калган кирәкле әйберләрне шкаф, комод, киштәләргә урнаштырыгыз. Шулай ук әйберләр салып кую өчен төрле зурлыктагы тартма, матур кәрҗиннәр куллану да өегезне ямьләп, кәефегезне күтәреп җибәрер.
Алыштыр һәм яктырт. Әллә ничә ел торган люстраны яңасына алыштырсагыз да, бүлмәгез үзгәреп киткәндәй тоелыр. Бүлмәләргә, гадәттә, түшәм уртасына бер генә люстра куела. Уңай, рәхәт мохит тудыру өчен карават янына торшер яки тәрәзә пәрдәләренә гирлянда эләргә мөмкин. Әйе, гирлянданы Яңа елда гына куярга димәгән. Шулай ук абажур, лампочканы яктыракка алыштыру да күңелегезне күтәреп җибәрер. Иң мөһиме – якты булсын.
Яшер. Идәндә аунап яткан интернет кабеле, техника проводлары өйдә бик үк тәртип булмаган төсмер бирә. Шуңа күрә техника чыбыкларын яшерергә тырышыгыз. Яшерергә мөмкин булмаган чыбыкларны дивар төсенә буярга һәм кызыклы орнаментлар белән бизәп яшерергә мөмкин.
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев