Пичи дырысенызы удмурт кыл матын луэм
Туэ Татарстан Республикаын Анай кылъёслэн но калык огазеяськонлэн арез ялэмын шуыса котькин тодэ, дыр, ини. Таин валче республикаямы но, ёросамы но пӧртэм ужрадъёс ортчытӥсько. Ёрос газетамы но, солы сӥзьыса, «Анай кыл но калык огазеяськон» рубрика усьтӥмы вал. Со сяна, «Азьлане» газетамы «Удмуртомемъёс» ним улсын гожтосъёсын цикл поттыны малпамы на. Статьяос сӥземын луозы пӧртэм калыкысь адямиослы, кудъёсыз удмурт кылэз тодо, удмурт кылэн верасько, удмурт сям-йылолъёсты гажало.
