Республикада атна ахырына кадәр көн саен кар-буран, көчле җил көтелә. Ә инде киләсе атна башында суыта.
Сишәмбедә –16 градуска кадәр суык булыр дип фаразлана.
Шимбә Татарстанда җепшек кар, буран, бозлавык көтелә. Көндез +1…–4, төнлә –1…–6 градус.
Якшәмбе көнне дә кар ява. Төнге сәгатьләрдә –2…–7 градус суык. Көндез кар-буран әкренләп туктап, температура 0…–5 градус аралыгында торачак.
Гидрометеоүзәкнең башлангыч фаразына караганда, дүшәмбе көнне янә буран дулаячак. Көндез термометрның терекөмеш баганасы –2…–7, төнлә –6…–11 градус күрсәтәчәк.
Ә инде сишәмбе – 16 ноябрь төнендә Татарстанда бик нык суыта. Синоптиклар -11-16 градуска кадәр суык буласын фаразлый. Көндез һава температурасы -3-8 градус. Бу көнне явым-төшем көтелми.
Чыганак: Ватаным Татарстан
Фото: @guzaliiarafisovna
Нет комментариев