Казанга кыска дистанциядә йөзү буенча Европа чемпионаты флагын тапшырдылар
Символны тапшыру тантанасы Глазгода 2019 елгы Европа чемпионаты төгәлләнгәннән соң үткәрелде.
Кичә Глазгода 2021 елда кыска дистанциядә йөзү буенча Европа чемпионаты флагын тапшыру тантанасы булды. Бу хакта РИА Новости агентлыгы хәбәр итә.
Бу көнне Шотландиядә быелгы чемпионат төгәлләнде. Сүз уңаеннан, Россия җыелма командасы анда 13 алтын медаль яулады һәм гомуми зачетта лидер булды. Ярышлар тәмамланганнан соң Европа йөзү лигасы бюросы (LEN) һәм 2019 елгы Европа чемпионаты вәкилләре «Толкросс» халыкара йөзү үзәгендә Бөтенроссия йөзү федерациясе президенты Владимир Сальниковка флагны тапшырды.
«Беркемдә дә Казанның әлеге чемпионатны һәм 2024 елда спортның судагы төрләре буенча Европа чемпионатын иң югары дәрәҗәдә үткәрә алу-алмавына бәйле сораулар тумады», - диде Сальников барысының да ТР башкаласының заявкасын хуплавын искәртеп.
Фото: архив/Ильнар Тухбатов
Бу хакта тулырак: https://tatar-inform.tatar/news/sport/09-12-2019/kazanga-kyska-distantsiyad-y-z-buencha-evropa-chempionaty-flagyn-tapshyrdylar-5698731
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
