Рөстәм Миңнеханов татарстанлыларны Курск сугышында Җиңүнең 75 еллыгы белән котлады
«Курск янындагы сугышларда татарстанлылар да зур батырлыклар күрсәтте», - диде Татарстан Президенты.
Татарстан Президенты Рөстәм Миңнеханов татарстанлыларны Курск сугышында Җиңүнең 75 еллыгы белән котлады.
«1943 елның җәендә Курск дугасында барган канкойгыч бәрелешләр Бөек Ватан сугышында тамырдан борылыш булды», - диде республика Президенты.
«Курск янындагы сугышларда татарстанлылар да зур батырлыклар күрсәтте», - диде Рөстәм Миңнеханов һәм Балык Бистәсе районында туып үскән, Советлар Союзы Герое, сержант Зәки Шәймәрдәновны искә алды. Ул бер сугышта дошманның 5 танкын юк иткән.
«Шуны шикләнмичә әйтергә мөмкин: Орел һәм Белгород шәһәрләрен азат итү хөрмәтенә аттырылган җиңү салюты залпларында Татарстанның сугышчан һәм хезмәт батырлыгы да чагылыш тапкан», - дип билгеләп үтте Рөстәм Миңнеханов.
Мәгълүмат «Татар-информ»нан алынды.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев