Татарстан прокуратурасы пассажирлар ташучыларны тикшерә
Тикшерү республиканың бөтен территориясендә узачак, хокук саклау һәм контроль-күзәтчелек органнары җәлеп ителәчәк.
Татарстан прокуратурасы, автобуслар катнашында юл һәлакәтләре арту сәбәпле, пассажирлар ташучыларны тикшерә. Бу турыда Татарстан прокурорының өлкән ярдәмчесе вазифаларын башкаручы Екатерина Гудкова хәбәр итте.
Автопаркның техник хәленә, машина йөртүчеләрне рейска кадәр һәм рейстан соң медосмотр үткәрү, шулай ук миграция законын үтәүгә аерым игътибар биреләчәк.
Тикшерүләр республиканың бөтен территориясендә узачак. Анда хокук саклау һәм контроль-күзәтчелек органнары хезмәткәрләре дә җәлеп ителәчәк.
Мәгълүмат «Татар-информ»нан алынды.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев