Бүген кадерле кешебез Фәйрүзә Йосыпованың 60 яшьлек күркәм юбилее.

Балтач бистәсендә гомер итүче кадерле кешебез Фәйрүзә Йосыпованың 27 июльдә  60 яшьлек күркәм юбилее.

Сабыр, изге күңелле, нигезебезнең кояшы булган әниебез! Сине матур бәйрәмең белән чын йөрәктән тәбрик итәбез. Алдагы тормышыңда сәламәтлек, җан тынычлыгы белән балаларың, оныкларың, туганнарың янәшәсендә әтиебез Илдус белән куанычлы, бәрәкәтле гомер итүегезне телибез. Туачак таңнарыгыз һәрвакыт нурлы, күк йөзегез һәрвакыт аяз булсын. Гел шулай елмаеп, кешеләрне сөендереп яшә!

Әниебез! Һәр яңа көн бәхет алып килсен,
Алсу таңнар күмсен шатлыкка.
Яшәү дәрте янсын йөрәгеңдә,
Картаерга һич тә ашыкма!

Иң изге теләкләр белән әтиебез Илдус, балаларың, килен-кияүләрең, оныкларың, туганнарың, кода-кодагыйларың.