Фәния һәм Гасим Һадиевларның бергә гомер итүләренә 60 ел

1957 елның 9 декабреннән Югары Сосна егете ГАСИМ ҺАДИЕВ белән Түбән Соснадан ХӘЛИУЛЛА кызы ФӘНИЯнең тормыш корып яши башлауларына 60 ел гомер үтеп киткән.

Хөрмәтле әти-әниебез, сезне бриллиант туегыз белән тәбрик итәбез. Кавышкан көннән соң бергә күпме юллар үттегез, күпме сулар кичтегез, авырлыкларга бирешмичә, сынауларда сынмыйча матур парлы гаилә булып гомер иттегез. Нәсел агачын дәвам итеп, 5 балага гомер бүләк иттегез, аларны укытып олы тормышка озаттыгыз. Без сезгә чиксез рәхмәтле! Алдагы көннәрегездә дә Ходай хәерле тигез гомер насыйп итсен, сәламәтлектә балаларыгыз һәм оныкларыгыздан игелек күреп, кадер-хөрмәттә яшәвегезне телибез.

Иң изге теләкләр белән балаларыгыз, киленегез, кияүләрегез, оныкларыгыз, оныкчыкларыгыз.