Кадерле әниебез, дәү әниебез Абдрахманова Гөлйөзем Галимулла кызының бүген 70 яшьлек гомер бәйрәме

Иске Салавыч авылында яшәүче кадерле әниебез, дәү әниебез Абдрахманова Гөлйөзем Галимулла кызының 3 апрельдә 70 яшь тулган көне.

Кадерлебез! Сине шушы бәйрәмең белән ихлас күңелдән тәбрик итәбез. Син киң күңелле, ярдәмчел, туганчыл, мәрхәмәтле, кешелекле, үрнәк әни. Алдагы көнеңдә дә авыртмыйча, сау-сәламәт булып, кайгы-хәсрәт күрмичә,тазалыкта балаларыңның, оныкларыңның,оныкчыкларыңның шатлык-куанычларын, игелеген күреп, Ходай биргән гомереңне күңел тынычлыгында яшәргә язсын.

Җан рәхәте бирсен Ходай сиңа,

Тән сихәте бирсен гомергә.

Насыйп булсын сәламәтлек белән

Бергә-бергә имин яшәргә!

Иң изге теләкләр белән сине яратып балаларың, киленең, оныкларың, кияүвең, оныкчыгың һәм кода- кодагыйларың.