Миләүшә һәм Нургаян Габдуллиннарның 1 һәм 27 февральдә 65 яшьлек күркәм юбилейлары

Балтачта яшәүче кадерле кешеләребез - Миләүшә Фарук кызы һәм Нургаян Габдулла улы Габдуллиннарның 1 һәм 27 февральдә 65 яшьлек күркәм юбилейлары. 
Газизләребез! Сезне туган көннәрегез белән ихластан котлыйбыз. Сезгә нык сәламәтлек, бәрәкәтле тормыш, күңел тынычлыгы, тигезлек, бер-берегезгә терәк, куаныч булып, балаларыгызның, оныкларыгызның, кардәш-туганнарыгызның шәфкатьлелеген, мәрхәмәтлелеген, игътибарын һәм ихтирамын тоеп, тыныч картлыкта гомер итүегезне телибез. Барлык кылган изгелекләрегез, ярдәмнәрегез, балаларым дип өзелеп яшәгәнегез өчен олы рәхмәтебезне белдерәбез. Бер үк исән-сау булыгыз. Без сезне бик яратабыз. 

Әни, әти, диеп әйтер кешеләрең булу – 
Нинди бәхет бит ул дөньяда. 
Шатлыкларың булса, уртак була, 
Кайгыларың булса – югала. 
Сәламәтлек ташламасын сезне, 
Һәрбер көнегез үтсен шатлыкта. 
Яшәү яме, дөнья иминлеге 
Юлдаш булсын сезгә картлыкта. 

Сезне яратып, балаларыгыз, оныкларыгыз исеменнән улыгыз Таһир.